InfoHub Logo

Сауат ашу
Ұзақ мерзімді жоспар бөлімі:
Тыңдалым және айтылым
1 сынып
Сабақ тақырыбы: Табиғатқа саяхат
Ж ж дыбысы мен әрпі
Осы сабақта қол жеткізілетін оқу мақсаттары (оқу бағдарламасына сілтеме): 1. 2. 9. 1 Әріпті тану, ажырату және оны дыбыспен сәйкестендіру
1. 2. 5. 1 Мәтін иллюстрациясы бойынша сұрақтар қоя білу немесе қойылған сұраққа жауап беру
1. 2. 4. 1 Мұғалімнің көмегімен көп мағыналы сөздердің мағыналарын ажыратып сөйлем құрастыру.
Сабақ мақсаттары: Барлық оқушылар: Әріпті таниды, ажыратады және оны дыбыспен сәйкестендіреді, сұрақтар қойып, қойылған сұрақтарға жауап береді, сөйлем құрастырады.
Көптеген оқушылар: Мәтін бойынша сұрақтар құрастырады. Көп мағыналы сөздерді тауып, сөйлем құрастырады.
Кейбір оқушылар: Көп мағыналы сөздерге басқа да мысалдар келтіріп, сөйлем құрайды.
Бағалау критерийлері
1. Дыбыстарды ажыратып, сөздерді буындап, дыбыстық талдау жасайды.
2. Мәтін бойынша сұрақ қояды.
3. Сұрақтарға толық жауап береді.
4. Көп мағыналы сөздерді ажыратып, сол сөздерге сөйлем құрастырады.
Құндылықтарды дарыту: Оқушыларды бір - біріне деген құрмет көрсетуіне тәрбиелеу.
Пәнаралық байланыстар: Математика, дүниетану
Бастапқы білім: Дыбыс пен әріпті тану және ажырату. Оқылған мәтіннің мазмұнын түсіну.

Сабақтың басы 2 минут
І. Ұйымдастыру кезеңі:
Қол алысып, қәне, біз,
Достасайық бәріміз.
Айтарым бар сендерге,
Тез тұрыңдар шеңберге.
Қандай жақсы бір тұру,
Достарменен бір жүру!
Қандай жақсы дос болу!
Оқушыларды фигуралар арқылы 4 топқа бөлу.
1 - топ «Төртбұрыш»
2 - топ «Жұлдызша»
3 - топ «Үшбұрыш»
4 - топ «Шеңбер»

«Миға шабуыл» стратегиясы бойынша өткен сабаққа шолу жасау
1. Әріп деген не?
2. Дыбыс деген не?
3. Дыбыстар нешеге бөлінеді?
4. Қазақ алфавитінде неше әріп бар?
5. Сөйлем деген не?
6. Сөйлемнің неше түрі бар?
7.. Мағынасы қарама - қарсы сөздерге мысал айтыңдар.
8. Құрамында «Ә» дыбысы бар сөз айт?

Алматы облысы,
Көксу ауданы, Айнабұлақ бекеті
«№12 орта мектебі» КММ
Мұғалімнің аты - жөні: Базилбекова Дина Сейтжапаровна
Табиғатқа саяхат. Ж дыбысы мен әрпі. жүктеу