InfoHub Logo

Qystyń alǵashqy kúni jáne alǵashqy merekesi 1 jeltoqsan-Tuńǵysh prezıdent kúni bolyp sanalady.Tuńǵysh prezıdent kúni 2011 jyldy 10 jeltoqsanynda parlament senatynyń tolyq otyrysynda qol qoıylyp, búkil elden qoldaý taba bilgen mereke. Bul memlekettik deńgeıde atalyp ótiletin meıramnyń mańyzy da erekshe. Tarıhy da tereńde jatyr. 1991 jyldyń 1 jeltoqsanynda tuńǵysh ret qazaq dalasynda Prezıdent saılaýy bolyp ótti.Elimizdegi tarıhı tańdaý kúni bolyp sanalatyn bul sátti barsha qazaqstandyqtar Tuńǵysh Prezıdent Nursultan Ábishuly Nazarbaevtyń toptasý kúni dep esepteıdi. Tarıh kórsetkendeı qandaı  da memleket bolmasyn,qaı zamanda da árbir eldiń taǵdyry sheshiler qıyn sátte bir tarıhı tulǵa ómirge kelgen.Oǵan mysal retinde óziniń alymdy saıasatynyń arqasynda eki ımperıanyń qyspaǵynan aman alyp shyqqan keshegi Abylaı handy,Túrkıanyń tuńǵysh Prezıdenti Kemal Atatúrikti,qytaı reformalardyń "ákesi" Den Sáopındi, Sıngapýrdyń negizin salýshy Lı Kýan Iýdi jatqyzýǵa bolady.Al Táýelsiz Qazaqstannyń baqytyna oraı Nursultandaı ul týylýy Allanyń bizge bergen syıy bolyp tabylady.

Táýelsiz Qazaqstandy syndarly joldardan, san túrli belesterden qulatpaı, súrindirmeı alyp shyǵý úshin de úlken qajyr qaırat pen, ultyna, qazaǵyna degen súıispenshilik kerek edi. Nursultandaı uldyń boıynan sol qasıetterdiń barlyǵy derlik tabyla bildi.
Elbasymyz, qarapaıym otbasynda dúnıege kelgen. «Meniń súıikti nemerem eki birdeı esimdi alyp júrsin dep,onyń atyn Nursultan» dep ájesi qoıǵan eken.Nursultan Nazarbaev ákesi Ábish pen anasy Áljannyń tuńǵysh perzentteri. Ne degen sáıkestik deseńizshi, sondaı-aq qazaq halqynyń tuńǵysh Prezıdenti. Anasy Nursultandaı ultynyń ulyn dúnıege ákeletinin Raıymbekteı has batyrdyń basyna baryp túnegende túsinde kórgen. Bala kezinde barlyǵy Sultan dep ataıdy eken. Bala Sultan baýyrmal, elgezek, ata-anasyna qolqabys berýge qashanda daıyn bala bolypty. Qarap otyrsańyz bul da bir sáıkestik emes sekildi. Sultan sóziniń ózi «el basqarýshy», «ult kóshbasshysy» degendi bildiredi emes pe? Alǵashqy eńbek jolyn Temirtaý qalasyndaǵy“Qazmetallýrgqurylys “ tresiniń jumysshysy bolyp bastaǵan Nursultan Ábishulynyń mańdaıyna Táýelsiz Qazaqstannyń tuńǵysh Prezıdenti bolý baqyty jazylypty.

Búginde bul mereke óte úlken deńgeıde toılanyp ótedi. Ult taǵdyry úshin baryn salyp júrgen Elbasymyz, Qazaqstan Respýblıkasynyń Tuńǵysh Prezıdenti Nursultan Ábishuly Nazarbaevtyń bastamasymen jasalynyp jatqan ıgi is-sharalardy bir kitaptyń ózine syıǵyza almaspyz.Munyń barlyǵy Elbasymyz Nursultan Ábishulynyń halqyna degen súıispenshiligin, el júgin moıynyna arqalaı bilgendegi jaýapkershiligin aıqyndaıdy. Sondyqtan atalmysh mereke úlken qýanyshpen atalyp ótiledi.Búginde búkil eldiń qoldaýymen senimine ıe bolyp, eldi syndarly jolmen bolashaqqa aıqyn bastap kele jatqan Elbasymyz Nursultan Nazarbaevtyń qurmetine toılanatyn — Tuńǵysh Prezıdent kúni biz úshin de óte qadirli mereke. Endeshe merekelerińiz qutty bolsyn, qazaq eli!

Ál-Farabı atyndaǵy Qazaq ulttyq ýnıversıtetiniń qazaqstan tarıhy kafedrasynyń dosenti T.Ǵ.K Jumadil Mahabbat Toqtarqyzy
Ál-Farabı atyndaǵy Qazaq Ulttyq ýnıversıtetiniń stýdentteri

---