InfoHub Logo

Qazaqstan meniń elim, Otanym deıtin árbir ult ókili halyqtar dostyǵynyń kepi­line aınaldy. Ultaralyq kelisimdi saqtap, tynyshtyq pen tatýlyqta, bir maqsat-múdde, eldikti ornyqtyrý jolynda ómir súrýden basqa qandaı baqyt kerek?! Elbasy Nursultan Nazar­baev­­­­­tyń qazaq jerin­degi turaqty­lyq tu­ǵy­ryn berik saqtaý saıasatynyń máni de osynda jatyr emes pe. Keý­deń­di eliń úshin maqta­nysh sezi­mi kerneıdi. Otanymyz­dyń demo­kra­tıa­lyq qoǵamnyń joǵa­ry ıdealdaryn qu­rýǵa umtylý baǵy­tyn, ulttar arasyn­daǵy bir-birine degen qurmet pen dos­tyq­tyń, mádenıettiń óz-ara baılanysyn bas­qa órkenıetti elder de oń baǵalaýda. Bú­ginde uzaq jyldar dostyǵy jarasyp, úıi­men úıi kórshiles, balalary birge ósken, ózderi  qyzmettes bolyp bir jerde jumys isteıtin ózge ult ókilderin ógeısitpeı, ortaq Otanǵa biriktirý egemendikti ornyq­tyrýdyń ózindik bir maqsat-múddesi bolyp tabylady.

Otan, táýelsizdik, turaqtylyq, turaqty damý uǵymdary árbir qazaqstandyqtyń jú­reginen oryn aldy. Qazirgi kezde oblysta kóptegen ulttyń ókilderi tatý-tátti ómir súrip jatyr. Ótken ǵasyrlarda jeri­mizge kelip qonystanyp qalǵan orystar, ýkraındar, tatarlar, belorýstar qataryna aýyr jyldardyń zobalańy kezinde koreıler, nemister, poláktar, cheshender, ıngýshter, qarashaılar, balqarlar, taǵy bas­qalary kelip qosyldy. Tyń ıgerý jyldary, ındýstrıalandyrý uranymen qonys aýdaryp, osy jerdi Otanym dep turyp qalǵandar da barshylyq.

*** *** *** ***

Elbasy bizdiń ómir súrip otyrǵan qoǵam­daǵy ultaralyq tatý­lyq pen turaq­tylyq­ty saqtaýǵa, elimizde turatyn barlyq ult ókilderiniń rýhanı-má­denı órleýi men ósýine qamqorlyq jasaýǵa, órkenıettilik pen demokratıa normalaryna súıene otyryp, aza­mattardyń saıası má­denıetin qalyp­tas­ty­rýǵa, qoǵamnyń rýhanı damýynyń tujyrym­damalary men baǵdar­la­malarynyń jobalaryn daıyndap, olardy júzege asyrýǵa belsene aralasýǵa úndeıdi. Osy oraıda, aldymyzǵa jas urpaqty otan­shyl­dyqqa, ósken jerlerin súıýge tárbıeleý, memlekettik til — qazaq tilin oqyp-úırený, ony qurmetteý arqyly ártúrli ult ókil­deriniń arasyn odan saıyn jaqyn­dastyrý mindetin qoıady. Aramyzda qazaq tilin biletin qanshama ózge ult ókilderi júr. Bizge osy dástúrdi, qazaq tiline, qazaq hal­qyna degen qurmet pen syılastyqty berik­tire túsý qajet.

*** *** *** ***

"Qazaq osy — qarasyń ba, aqsyń ba, qońyrsyń ba, jatyrqaýdy bilmeıtin!" ıá, kóńilik kók jaılaýdan keń qazaq halqynyń qushaǵyna bári sıady. Saıyn dalasy kimderge meken bolmady?! Júregi men peıili kópke jaıylǵan ultymyzdyń yrysy men men berekesi qudaıyndaı syılap, tórine kótergen qonaǵymen artqan. "Qyryqtyń biri — Qydyr" dep máteldegeni de sodan. Qara sý men qara nanǵa zar bolǵan kúnde de qaıran jurtymyz panalaı kelgen ózgeni ózeginen teppeı, sońǵy kúlshesin de bólip jepti. Beý, qonaqjaılylyǵymyz men meıirimdiligimiz mereıimizdi san márte bıikke de shyǵardy emes pe?! Baıtaq jerimizdi pana qylyp, qanatymyzdyń astynan ósip-jetilgen ózge ult ókilderi ár kún saıyn árbir qazaqqa, qanymyzǵa qonaqjaılylyq pen keń peıildilikti sińirip ketken ata-babalarymyzdyń rýhyna alǵys aıtady. Onyńdáledin dúbiri taıap qalǵan el birligi merekesinen anyq kóremiz. Yntymaqtyń izgi merkesin bárimiz birge toılaıyq. aǵaıyn! Shynaıy birliktiń shyraıly merekesinde túrli ult ókilderiniń basyn qosyp, yntymaǵymyz jarasa, toılaýǵa asyǵaıyq.

---