1 mamyr Qazaqstan halqynyń birligi kúnine arnalǵan quttyqtaý, tilekter
"Birlik bar jerde — tirlik bar" deıdi bizdiń halyq. Dana jurt muny teginnen-tegin aıta salmasa kerek. Aýyzbirlik pen túsinistik, qarapaıym syılastyq ústemdik qurǵan jerlerge qashanda nátıjeli isterdiń úıir bolatyny belgili. Bizdiń elimizde qalyptasqan ulttar tutastyǵy men halyqtar dostyǵynyń arqasynda búginde memleketimiz órkendep, ilgeri basyp keledi.
Bizdiń memleketimizdiń basty jetistigi elimizdiń halyqtarynyń ultaralyq jáne konfesıaaralyq kelisimi, ózara túsinistigi men syılastyǵy bolyp tabylady.
Qazaqstanda, onyń elordasy Nur-Sultanda dostyq pen birlikti nyǵaıtý sóz júzinde qalmaı kúndelikti is-áreketimizde basshylyqqa alynǵan. Búgingi kún kópultty memleketimizdi mekendeıtin halyqtar dostyǵynyń, birliginiń jáne beıbitshiliktiń sımvoly bolsyn.
*** *** *** ***
Qazaqstannyń kópultty halyqtary arasyndaǵy birlik pen yntymaqtastyǵy nyǵaıa bersin! Qazaqstannyń kópultty halqynyń tatýlyǵy, yntymaqtastyǵy, beıbitshiligi bizdiń elimizdiń eń basty baılyǵy. Ony kózdiń qarashyǵyndaı saqtaýǵa tyrysaıyq. Bereke-birligimiz arta bersin, aǵaıyn!
*** *** *** ***
Qazaq qashannan da baýyrmal halyq qoı. Ár kezeńderde elimizden pana izdep kelgen "jat jurttardyń" bárin baýyryna basyp, tórinen oryn berip, qandaı qıyn kezeńderdiń ózinde bir úzim nandy bólip jedi. Sóıtip, qaımaǵy buzylmaǵan qazaq jeri kópultty memleket bolyp shyǵa keldi. Búgin elimizde 136 ult pen ulystyń ókilderi bir týdyń astynda tatý-tátti ǵumyr keship jatyr. Barlyǵymyz týǵan jerdiń tósinde, qushaǵyn jaıǵan beıbit eldiń ishinde el birligin saqtaýǵa atsalysaıyq!
*** *** *** ***
1 mamyr — Qazaqstan halyqtarynyń birligi merekesimen shyn júrekten quttyqtaımyz!
Bir shańyraqtyń astyndaǵy halqymyzdyń dostyǵy men ózara túsinistigi odan ári jalǵasyp, elimizdegi ultaralyq tatýlyq árdaıym berik bolyp, qashan da yntymaq, birlik máńgi jasaı bersin!
*** *** *** ***
Qazaqstan halqynyń birligi kúni merekesi búgingi tańda beıbit ómir men yntymaqqa turmys keship otyrǵan el turǵyndary úshin ystyq yqylas pen dostyq nıettiń dástúri, asyǵa kúter meıramy.
Bul kún — árbir qazaqstandyq úshin Otanǵa degen súıispenshilik pen patrıottyq sezimniń, azamattyq borysh pen jalpy ulttyq kelisimniń merekesi.
Halyq birligi merekesi kúni el azamattary ult pen ulystyń ótken kezeńdegi tarıhy men onyń sabaqtaryn dáriptep, álemdik qaýymdastyq tarapynan joǵary baǵalanǵan qazaqstandyq tatýlyq pen kelisimdi pash etedi.
Elimizdiń basty qorǵaýshy kúshi — qoǵamdyq kelisim men etnosaralyq úılesimdi — saqtaý Qazaq eliniń aldynda turǵan basty mindet.
Qoǵamdyq kelisim men saıası turaqtylyq — bizdiń eń mańyzdy baılyǵymyz! Bul jetistikti baǵalaý, ony saqtaý jolynda aıanbaı eńbek etý árbir Qazaqstan azamatynyń mindeti bolyp tabylady.
*** *** *** ***
Elimizdiń barsha turǵyndaryn Qazaqstan halqynyń dostyǵy jáne birligi kúnimen shyn júrekten quttyqtaımyz! Barshalaryńyzǵa, ár otbasyna, ár qazaqstandyqqa shynaıy kóńilmen baqyt-bereke tileımiz. Elimiz aman, jurtymyz tynysh bolsyn! Qazaqstan halqy órken jaıyp, memleketimiz — molshylyqqa, al árbir shańyraq baqyt pen shattyqqa kenelsin!
*** *** *** ***
Biz — qazaqstandyqtarmyz! Biz ortaq eńbegimizben, birlesken izdenisimizben, toptasqan bolmysymyzben ortaq úıimiz — Qazaqstan Respýblıkasyn kún sanap túletip, kún sanap órkendete túsýdemiz. Biz elimizben birge eseıip kelemiz.
Qazaqstan halyqtarynyń birligi merekesi qutty bolsyn aǵaıyn!
*** *** *** ***
Qazirgi tańdaǵy beıbit tirligimiz uzaǵynan bolǵaı. Eń bastysy — kóp ult meken etken qazaq jeriniń kıeli topyraǵy, qoınaýyndaǵy qazynasy qundylyǵyn aıqara ashqan árbir sábıdiń boıynda «Týǵan jer — Otanym» degen qasıetti uran ana sútimen boıyna taralyp, áke únimen qaırattanyp, bilim nárimen tolysyp jatsa, jer, el qadirin baǵalaý oıy men sanasynyń tórinen oryn alyp, ar-namysynyń aldynda jaýapty bolyp, er jetip jatsa, kóp ultty jerimiz, kóp salaly, kóp tileýli kópshiliktiń birtutas maqsaty men armanyn naǵyz júzege asyratyn bir ǵana arnaly «Beıbit álemi» káýsar bulaǵy bolary anyq.
*** *** *** ***
1 Mamyr birlik kúni dep, yntymaq kúni dep merekeleımiz. Bizdiń memleketimizdiń árbir burysh-buryshynda bul mereke kúndelikti toılanyp jatady. Sebebi, elimizde eń bastysy — ultqa bólip emes, adam dep syılaý, barlyq ulttyń quqyqtarynyń birdeı bolýy jáne qandaı bastama, izgi is bolsyn bastalýyna qoldaý jasalyp jatqandyǵy, ultyna qarap emes, iskerligine qaraı baǵalanyp jatyr. Týǵan jerdiń tósinde, qushaǵyn jaıǵan beıbit eldiń ishinde árqaısymyz óz úlesimizdi el birliginiń saqtalýyna, beıbit te mazmundy ómir keshýimizge atsalysaıyq.
*** *** *** ***
El basyna kún týǵan qıly zamandarda da halqymyzdy ult retinde saqtap qalǵan yntymaǵy men birligi. Jaýgershilik zamanda basy aýǵan jaqqa kóship júrip te berekesi men qazanyn ortaıtpaǵan qasıetti qanaǵatshyl aǵash besik pen jer besik arasyndaǵy bireýge uzaq, bireýge sholaq ómir joldarynda bireýdi ózekke teppeı, ózgeniń qyzylyna qyzyqpaı, utymdy ispen, oramdy oımen, tereń kemeńgerlikpen, eshqashanda tarylmaǵan keńdigimen elimizdiń tamyryn jaza, butaǵyn jaıqaltyp, qushaǵyn keńeıtip keledi. Dostyq pen yntymaq bar jerde bereke men yrys bolary aıdan anyq.
*** *** *** ***
Respýblıkamyzda turatyn túrli ult ókilderin birlik merekesimen quttyqtaımyz! Eń bastysy, ultaralyq tatýlyq arqasynda búginde el tynysh, jurt aman. Osy berekemiz buzylmaǵaı. Qazaqstanda turatyn barsha ult arasyndaǵy aınymas dostyqqa syzat túspese eken dep tileımiz.
*** *** *** ***
Qurmetti ...............!
Sizdi 1 mamyr — Qazaqstan halyqtarynyń birligi merekesimen shyn júrekten quttyqtaımyz!
Týǵan Otanymyz — Qazaqstandy gúldendirip, turaqtylyq pen beıbitshilik mekenine aınaldyrý úshin Sizge jáne ujymyńyzǵa zor densaýlyq, taýsylmas kúsh-qýat, mol baqyt, eńbegińizge jemis, uzaq ǵumyr, shańyraqtaryńyzǵa shattyq, qut-bereke tileımiz.
Bir shańyraq astyndaǵy halqymyzdyń yntymaqtastyǵy men ózara aýyzbirligimiz nyǵaıa túsip, respýblıkamyzdaǵy ultaralyq tatýlyq árdaıym berik bolyp, dostyq, birlik máńgi jasaı bersin!
*** *** *** ***
Sizderdi tatýlyq pen kelisimniń nuryna malynǵan 1 mamyr — Qazaqstan halyqtarynyń birligi merekesimen shyn júrekten quttyqtaımyn. Táýelsizdigimizdiń dańǵyl bolashaǵyna túsken memleketimizdiń ekonomıkasy qarqyndy damý ústinde. Bizdiń eń basty qundylyǵymyz-táýelsizdik dep Elbasymyz ulyqtaǵandaı sol qundylyqty qasterleý barshamyzdyń qasıetti paryzymyz. Táýelsizdigimizdiń 29 jyldyǵyna alǵan asýlarymyz ben jetken jetistikterimizde elimizde ómir súrýshi barsha ult ókilderiniń enshisi bar. Osyndaı mol tabystarǵa qol jetkizýde aýdan jurtshylyǵynyń da ózindik úlesi bar. Sebebi osyndaǵy barlyq ulttardyń tatýlyq pen kelisimde ómir súrýiniń arqasynda barshamyz alańsyz ómir súrip, bilim alyp, eńbek etýdemiz. Bul aıtýly merekeni kóterińki kóńil-kúımen qarsy alýǵa tolyq negizi bar. Elimizdiń órkendeýimen birge aýdan ekonomıkasy da ilgerileý ústinde. Beıbitshilik pen tatýlyqtyń arqasynda bizdi bolashaqta budan da jarqyn, baıandy kúnder kútip turǵanyna sendirgim keledi. Aıtýly merekemen shyn júrekten quttyqtaı otyryp, barshańyzǵa zor densaýlyq, otbasylaryńyzǵa qut-bereke, baqyt tileımin.
*** *** *** ***
«Dini basqa, tili basqa, tilegi bir» bir shańyraq astynda jınalǵan ult pen ulys ókilderiniń yntymaǵy — yrysy, baılyǵy — berekesi bolyp, tatýlyǵy jarasqan bizdiń elde ómir súrip jatqany júrekterge senim, kóńilderge qýanysh uıalatady.
*** *** *** ***
Sizderdi 1 Mamyr — Qazaqstan halqynyń birligi kúnimen shyn júrekten quttyqtaımyn!
Shapaǵat pen shattyqtyń merekesi elimizge qut, kóńilderge qýanysh syılasyn! Denderińizge saýlyq, otbasylaryńyzǵa yrys pen yntymaq tileımin.
You Might Also Like
-
Násilderge násil bolsyn nurly kún, Yntymaqtyń shertsem deımin bir jyryn, Tatýlyǵyn jyrǵa qosam ulttardyń Maqtan qylyp ulystardyń birligin.
-
Bıyl pılottyq negizde Ulttyq biryńǵaı testileý aýdıtorıalarynan onlaın-translásıa júrgiziletin bolady. Bul týraly «ANTIKOR» ortalyǵy alańynda ótken onlaın-dıalog barysynda QR Bilim jáne...
