InfoHub Logo

Qurmetti, jigitter, áriptester! 7 Mamyr — Qazaqstan Qarýly kúshteri kúni. Jigitterimizge amandyq, densaýlyq tileımiz. Eńselerińiz bıik, mereılerińiz ústem bolsyn. Otanǵa adal, elge qaıyrymdy, otbasyna meıirimdi bolyńyzdar. Júrekterińiz ottaı laýlap, jandaryńyz árdaıym jas bolsyn. Qaıratty, maqsatty bolyńyzdar. Eńbekte tabys, tileımiz. Taýsylmaıtyn dáýlet, arylmaıtyn baqyt tileımiz. Shańyraqtaryńyz bıik, keregelerińiz berik bolsyn. Árdaıym názik jandarǵa tirek bolyp, alaqandaǵy gúlderińizdi aıalap júrińizder. Bıik shyńdardan kórinińizder! Ómirlik serikterińizdiń sezimi ózderińizge bulaqtaı taza, sútteı aq, perishtedeı pák bolsyn. Baıan batyrdaı batyl, Qozy kórpeshteı kórikti, Tólegendeı súıikti bolyńyzdar. Raıymbektiń batyrlyǵyn, Qabanbaıdyń batyldyǵyn, Qarasaıdyń ótkirligin tileımin.

*** *** *** ***

El halqyna shat-shadyman kúlki men tynysh ómir syılaýda áskerimizdiń atqaryp jatqan qyzmetteri ushan-teńiz. Armıamyzdyń aıbynyn asqaqtatatyn sardarlar men sarbazdarymyzǵa qandaı qurmet kórsetsek te jarasady. Sizderdi búgingi merekelerińizben quttyqtaı otyryp,  zor densaýlyq, qajymas qaırat, januıalaryńyzǵa baqyt pen shattyq tileımiz!

*** *** *** ***

Sizderdi 7 mamyr — Otan qorǵaýshylar kúni merekesimen shyn júrekten quttyqtaımyz!

Aǵa urpaq pen jas býynnyń Otanymyzdy qorǵap, qyzmette aıtýly úles qosqanyn biz árqashanda maqtan tutamyz.

Elimizdiń órkendeýi jolynda atqaryp jatqan ıgi qyzmetterińizge tabys, otbasylaryńyzǵa amandyq, denderińizge saýlyq, mol baqyt jáne beıbit ǵumyr tileımiz.

*** *** *** ***

Bizdiń táýelsizdigimiz ben tutastyǵymyzdy, tynyshtyǵymyz ben beıbit tirligimizdi qas qaqpaı kúzetip turǵan, halqymyzǵa qorǵan bolǵan ulttyq áskerimizdiń aıbyny arta bersin!

*** *** *** ***

Halqymyzda «Er — eliniń qorǵany» degen ataly sóz bar. Biz osyndaı jandardyń erjúrek isterine saı syı-qurmet kórsete otyryp, olardan ónege alyp ósetin jas urpaq Otanyna adal qyzmet etedi dep senemiz. Mereıli merekemen quttyqtaı otyryp, barshańyzǵa myqty densaýlyq, zor tabystar tileımiz.     

*** *** *** ***

Ár súıem jer úshin, ata-baba qonysyn jaýdan kózdiń qarashyǵyndaı qorǵap júrgen eńsegeı boıly erlerdi, jaýjúrek, qaısar minezdi sardarlarymyz ben sarbazdarymyzdy búgingi merekelerimen quttyqtap, zor densaýlyq, qajymas qaırat, januıalaryńyzǵa baıandy baqyt tileımiz!

*** *** *** ***

Bar ómirin áskerı iske arnap, kún-tún qatyp, elin, jerin qorǵap, óz qyzmetin minsiz atqaryp kele jatqan jaýyngerlerimizge alǵysymyzdy bildiremiz. Eńbekterińiz jemisti bolsyn! Árqashanda aspanymyz ashyq bolyp, elimizdiń tynyshtyǵy buzylmasyn.

*** *** *** ***

Ertede jaýgershilik jıi bolatyn kezde, qazaqtyń eki jaýyngeri tós qaǵysyp dos bolady. Eki dostyń bireýi tutqıyldan tıgen jaý qolyna túsedi. Dosynyń qolǵa túsip qalǵanyń estigen ekinshi batyr kúzdiń qara sýyǵyn elemesten, ózendi maltyp ótip, jaý jatqan jaǵaǵa keledi.

— Men qoldaryńa túsken bir jaýyngerge qun tólep, satyp alýǵa keldim. Meniń oǵan aıyrbasqa berer malym, múlkim joq. Bir-aq nárse beremin. Ol — ózimniń ómirim. Dosymdy bosatyńdar, — deıdi.

Qolbasy oılanyp otyryp, ony synamaq bolady:

— Jaraıdy, men seni qyrshynyńnan qımaı-aq qoıaıyn. Maǵan sol ómirińniń bir bólshegin berseń boldy — maǵan eki kózderiń kerek, — deıdi qolbasy, — eki kózińdi oıyp alamyn!

— Ol da bolsyn, kózimdi tezirek al da, dosymdy bosat, — deıdi jigit.

Sóıtip, álgi jaýynger tutqynnan bosaǵan dosynyń ıyǵyna qolyn artyp, zaǵıp kúıi qýanyp, kúlimdep kele jatady. Muny kórgen jaýdyń qolbasshysy:

— Mynadaı erleri bar halyqty tutqıyldan kelip bas salmasa, betpe-bet urysta jeńý qıynǵa soǵady eken, — dep túıipti.

Men de sizge osyndaı janyn aıamaıtyn, joldasyn jaýǵa tastamaıtyn qazaqtyń jaýyngerleriniń dostyǵyn tileımin.

*** *** *** ***

Qarýly kúshter jaýyngerleri men ardagerleri!

Sizderdi Otan qorǵaýshylar kúni — jalpyhalyqtyq merekemen, jigerli adamdar jáne erik kúshi ıeleri kúnimen quttyqtaımyn!

Bul kúni biz Qarýly kúshter qatarynda qyzmet etkender men sapta júrgenderge qurmet kórsetemiz. Memlekettiń, qoǵamnyń jáne árbir qazaqstandyqtyń qaýipsizdigin qorǵaýshylar men óz eline sheksiz berilgender de sondaı iltıpatqa ıe.

Bul — erekshe mereke, biz bul kúni Uly Otan soǵysy ardagerleri, erlik pen batyldyqtyń ólsheýsiz úlgisin kórsetken barlyq jerlesterimiz,  Aýǵanstannyń otty joldarymen ótken erjúrek jaýyngerler aldynda taǵzym etemiz.

Ýaqyt almasady, urpaqtar ózgeredi, biraq Otanǵa súıispenshilik, qajyrlylyq, erlik, jaýyngerlik rýhymyz ózgerissiz qalady. Aqtóbelikter búgingi kúni de óz Otanymyzdyń qorǵanystyq qabiletin nyǵaıtýǵa, Qazaqstan halqynyń ıgiligi men beıbitshilikti qorǵaýǵa laıyqty úlesin qosýda.

Otan qorǵaýshylar kúni óziniń bastapqy kásibı belgileniminen áldeqashan bıik dárejege kóterilip, Otandy qadirleıtin, onyń tarıhyn qurmetteıtin, erlik pen jaýyngerlik kúshke ıe naǵyz erlerdiń merekesine aınaldy.

Naq osy kún Otanǵa súıispenshilik ispetti adamı qundylyqtardyń turaqtylyǵy jáne ólsheýsizdigi, onyń múddelerin qorǵaýǵa ázirlik, patrıotızm men erliktiń barlyq kórinisteri týraly aıǵaqtaıdy.

Qymbatty jerlester!
Búgingi erekshe kúni Sizderge shyn júrekten baqyt pen tatýlyq, árbir otbasyna izgilikter men ıgilikter tileımin. Ardagerlerimizdiń deni saý bolyp, soldattar men ofıserlerimiz tabysty qyzmet ete bersin. Erjúrek jáne jigerli adamdardyń bul merekesi árdaıym qýanysh pen beıbit kún ákele bersin!

*** *** *** ***

---