InfoHub Logo

Násilderge násil bolsyn nurly kún,
Yntymaqtyń shertsem deımin bir jyryn,
Tatýlyǵyn jyrǵa qosam ulttardyń
Maqtan qylyp ulystardyń birligin.

Dostyq tapsa dinder menen dilimdi
Salt-dástúrler syıǵa ulasty búgingi,
Bir týǵandaı ultaralyq kelisim
Bir kótergen basqa túsken júgimdi.

Sert berisip týys bolyp qalýǵa
Náýbetterden aman jettik damýǵa,
Baıtaq eldiń bıik ustap baıraǵyn
Bizdiń dostyq máńgi bolyp qalýda.

Tili bólek bolǵanymen tilek bir
Uly dostyq mápelegen júrek gúl,
Qazaqstan bar ulysqa shańyraq
Shaıqalmastan shattyǵymyz tirep tur.

Qýanyshtan jelpildeıdi túndigim
Bar halyqtyń birlik toıy kún búgin,
Halqym máńgi ǵumyr keshsin baqytty,
Bir tamyrmen baılap qoıǵan kindigin!!!

* * *

Mamyrdyń biri, dostyq kúni
Án salyp, bılegen halyqtyń úni.
Tutasyp, toılaǵan ulttar,
Keremet mereke, mamyrdyń biri.

* * *

Ár alýan tirlikpen
Álemde jatyr myńdap el.
Aınymas dostyq, birliktiń
Aımaǵyn kórseń, munda kel!...
 
Teńsizdik tereń kómildi,
Shattyqtan shalqyp óndi únim,
Barshasy munda kóńildi
Aq, qara, sary óńdiniń...
 
Artyqsha taza moraldy
Aq, qara jigi, qyz qandaı!
Mahabbat qaıta jaraldy,
Júrekten júrek qyzǵanbaı.
 
Kúnderden ortaq sybaǵa,
Kúreste daıym birgemiz.
Arada jol joq synaǵa,
Mármárdaı tutas irgemiz.
 
Ólkemde ólmes tiri ańyz
Qalady jazdan, qystan da.
Juraǵat jurttar turamyz
Osyndaı Qazaqstanda...

* * *

Birlik kerek, birlik kerek, aǵaıyn!
Eldiń basyn biriktirer árdaıym.
Al bolmasa ashý-yza boıda bar,
«Áıt ! Áıt !» dese qyrqysardaı jaǵdaıyń.
 
Qaıran qazaq, arly qazaq, qalaı-aı,
Qalpaqpenen uryp aldy.....
Óziń túgil kóleńkeńnen qorqatyn,
Orys, qytaı aıdap saldy-aý jońǵardy-aı.
 
Birlik kerek, birlik kerek, aǵaıyn!
Asa tússin bıbitshilik jaǵdaıyń.
Elbasyń da, el-jurtyń da, qutty bol,
Alataýdaı myzǵymaıtyn synbaıtyn!
 
Birlik kerek, birlik kerek, aǵaıyn!

* * *

Áýeli etip bilik basyńdy qos,
Sonnan soń ár murattan qalmassyń bos.
Jeke daq úniń shyqpas, isiń bitpes,
Jan qorqyp, jalǵyz qýraı kórinip qos.
Degen bar burynnan-aq «kóp qorqytar ...»
Bolady tursń tutas dushpan da dos.
Alataýyń ala bolyp turǵan kúnde,
Asyńnyń aýyzyńdaǵy ketýin tos.
Talasty alalyqpen tastamasań,
Bir kúni týǵan jerge aıtarsyń «qosh».
Birlikpen ıleý salǵan qumyrysqa da
Qazaǵym, isiń ońbas birikpeı qos.

Sábıt Dónentaev (Birlik)
 
* * *

Sary, aqpyz, qaramyz,
Bárimiz de balamyz.
Bir Otanda turamyz,
Bir mektepke baramyz.

* * *

Altaı, Kavkaz ulasyp,
Baýraıy buırat keń jatyr.
Baqyttyń áni asqaqtap,
Qulaqqa daýsy kep jatyr.

* * *

Qyrǵyz, qazaq, ózbekter,
Monǵol, uıǵyr, dúngender.
Armán, tájik, grýzın,
Orys penen ýkraın,
Terezesi teń jatyr.

* * *

Aqpyz, qara, sarymyz
Aǵaıynbyz bárimiz
Ortaq bolsyn asqar taý
Jemis toly baqsha-baý
Bolsyn jer men sý ortaq
Bolsyn bizge ný ortaq
Aqpyz, qara, sarymyz
Aǵaıynbyz bárimiz!

* * *

Tili bólek bolǵanymen tilegi bir
Uly dostyq mápelegen júregi gúl,
Qazaqstan bar ulysqa shańyraq
Shaıqalmastan shattyǵymyz tirep tur.
Qýanyshtan jelkildeıditúndigim
Bar halyqtyń birlik toıy kún búgin,
Halqym máńgi ǵumyr keshsin baqytty,
Bar tamyrmen baılap qoıǵan kindigin.

* * *

Syrdyń boıyn ejelden jaılaǵan,
Orys, qazaq qatar qonǵan baı dalam,
Halyqtardyń dostyǵynyń aıǵaǵy
Búgingi kún merekede jaınaǵan

* * *

Qadirmendi bir dosymyz – ózbegim,
Qaltqysy joq demiń beıne óz demim
Óz sózimdeı janǵa jaıly sózderiń
Óz kózimdeı kúlimdeıdi kózderiń
Dám tuzymyz aralaspyz áriden,
Dastarhanda jaıylady sánimen
Palaýyń men besbarmaǵym sybaılas
Kezek jeımiz alma, órik dámińnen.

* * *

Tyńda, tyńda, tyńda meni
Uly jurtym orys halqym
Sen terbetip ósirgensiń,
Seniń dańqyń, meniń dańqym.

* * *

Aq, qara dep aldymen
Elim bólmes adamdy
Dástúr, óner saltymen
Tańqaldyrǵan ǵalamdy.

* * *

Dostar bolsa dostyq atyn aqtaǵan
Alys jolda – jaqyn jol
Qara bala, sary bala, aq bala
Týystardaı tatý bol.

* * *

Qazaq jeri – qonaqjaı tórdiń jeri.
Qazaq eli qas saqtaı erdiń eli.
Tolqynynda tarıhtyń qýǵyn kórgen
Barsha ultqa qut meken bolǵan edi.
Zobalańda kóp shekken qasiretti
Ult urpaǵy ónerli, ósıetti.
Rıza kóńilmenen elge degen,
Arnaıdy barsha halyq aq tilekti.

---