9 mamyr Jeńis kúnine arnalǵan quttyqtaý, tilekter
Sizderdi 9-mamyr – Uly Jeńis Kúnimen shyn júrekten quttyqtaımyn!
Bul mereke – janqıar erliktiń, eńseli eldiktiń rýhy órlep, Jeńis jalaýy jelbiregen kún. Búgingi táýelsizdik tuǵyrynyń berik, eńsemizdiń bıik bolýy da, elimizdiń órkendeýi men elordamyzdyń gúldenýi de – osynaý merekeniń jemisi.
Búgingi urpaq aǵa býyn-ardagerler tanytqan qaharmandyq pen qaısarlyqtan úlgi alyp, boı túzeıdi. Osynaý erlikke toly Kún tarıhymyzdyń máńgilik umytylmas paraǵy bolyp qala bermek.
Barshańyzdyń denderińizge saýlyq, shańyraqtaryńyzǵa shattyq, baq pen bereke tileımin!
*** *** *** ***
9 mamyr – Jeńis Kúni – eń qymbatty, qýanyshty da qaıǵyly, mártebeli meıram, halqymyzdyń erligi men dańqynyń jarqyn kórinisi bolyp tabylady.
1945 jyldyń 9 mamyry... Jyldan-jylǵa alystap bara jatqan merzim. Deı turǵanmen, Uly Jeńistiń anyq baǵasy men mańyzy bizdiń jadymyzda máńgi oryn alǵan deýge bolady. Uly Jeńis toıy – burynǵy keńestik halyqtardyń ortaq, basty merekeleriniń biri.
Jyl saıyn máńgilik alaýy janyna Otan qorǵaýshylaryn, batyrlardy eske alyp, gúl shoqtarymen rahmetin aıta kelgender jınalady. Bizder de qadirli ardagerlerge beıbit ómirimiz ben baqytty bolashaǵymyz úshin alǵysymyzdy bildiremiz!
*** *** *** ***
Qadirli soǵys ardagerleri, tyl eńbekkerleri!
Qasıetti de uly mereke qarsańynda Sizderdi Jeńis kúnimen shyn júrekten quttyqtaımyn!
1945 jyldyń 9 mamyry jurtshylyq jadynda bizdiń halqymyzdyń erlik úlgisi, muqalmas qajyrlyǵy men myzǵymastyǵynyń sımvoly bolyp keledi.
Otan qorǵaýshylar jasaǵan erlikter máńgilik jáne ýaqyt aǵysymen joǵalyp ketpeıdi. Sol bir qaharly soǵys jyldary alystaǵan saıyn onyń mańyzyn biz erekshe uǵyna túsýdemiz. Sondyqtan da halyq uzaq kútken Uly Jeńisti jaqyndatýda maıdanda da, tylda da janqıarlyqpen kúreske túskenderdiń barlyǵy aıryqsha qurmetke ıe, qaza tapqandardyń rýhyna taǵzym etemiz.
Aǵa urpaq alyp bergen Jeńis búgingi kúni de bizdi jetistikterge jigerlendiredi, janymyzǵa qýat beredi, qıyndyqtardy jeńip, alǵa umtylýymyzǵa kómektesedi.
Qymbatty ardagerler!
Sizderge shyn kóńilden densaýlyq, tirshiliktiń uzaq ta jarqyn, alańsyz kúnderin, jan shýaǵyn, jaqyn adamdaryńyzdyń qamqorlyǵy men yqylasyn tileımin.
Sizderge jáne otbasylaryńyzǵa izgilikter men ıgilikter tileımin! Tabystar men sáttilikter mol bolsyn!
*** *** *** ***
You Might Also Like
-
Bıyl pılottyq negizde Ulttyq biryńǵaı testileý aýdıtorıalarynan onlaın-translásıa júrgiziletin bolady. Bul týraly «ANTIKOR» ortalyǵy alańynda ótken onlaın-dıalog barysynda QR Bilim jáne...
-
Adam balasy saıahattaǵanda, rýhanı baıyp, umytylas, sózsiz áserler alady. Bálkim, jan dúnıeńe aýadaı qajet jolsapardyń, jaqyn adamdardyń seniń ómirińde ózgertýge óz yqpalyn tıgizeri, seni jańashyldyq...
