InfoHub Logo

Memleketimizdiń Elbasy Nursultan Ábishuly Nazarbaev atamyz aıtqandaı: «Uly maqsattardy óziniń aldyna uly halyq qana qoıa alady!» demekshi Almaty qalasy Alataý aýdany da jas urpaqty tárbıeleýdi aldyna maqsat etip qoıyp, sol maqsatqa jetýde tárbıeniń bir baǵyty «Adal urpaq» baǵyty boıynsha jumys jospary qurylyp jumys jasalyp jatyr. Osy baǵytta Alataý aýdanynyń mektepterin jumyla jumys jasaýǵa jaýapty etilip №151 JBBM taǵaıyndaldy.  Óskeleń urpaqtyń boıynda sybaılas jemqorlyqqa qarsy mádenıetti qalyptastyrý maqsatynda oqýshylardan quralǵan «Adal urpaq» erikti mektep klýbynyń maqsaty mektepterde  sybaılas jemqorlyqqa qarsy mádenıetti qalyptastyrý, Sybaılas jemqorlyqqa qarsy kózqarasty nyǵaıtý, bilim jáne mádenıet deńgeıin arttyrý. Sondaı-aq, «Adal urpaq» erikti mektep klýby rýhanı adamgershilikke jáne azamattyq patrıottyqqa tárbıeleýge baǵyttalǵan sharalardy iske asyryp, jastardyń saıası-quqyqtyq bilimin tereńdetýge yqpal etedi. Osy oraıda búgingi tańda Almaty qalasy Alataý aýdany mektepterinde «Adal urpaq» erikti mektep klýbtary túrli sharalar ótkizip turady. Almaty qalasy QR sybaılas jemqorlyqqa qarsy is – qımyl agenttigimen «SANALY URPAQ» respýblıkalyq jobalyq keńsesimen  sybaılas jemqorlyqqa qarsy onlaın ótkizilgen sýret salý, esse jazý, óleń shyǵarý sıaqty túrli is – sharalarǵa aýdan mektepteri túgeldeı qatysyp,  qalalyq konkýrsta №151 JBBM oqýshylary II-III dárejeli dıplomdarmen marapattaldy. Sonymen qatar aýdan mektepterinde ártúrli synyp saǵattary, sýret kórmeleri, fleshmob,túrli aksıalar,kezdesýler, «Adal urpaq» eriktiler músheleriniń otyrystary jıi  ótkizilip turady. Osyndaı sharalardyń biri: «Parasatty mektep- bolashaq mektep» taqyrybynda 2020 jyldyń sáýir aıynda QR Sybaılas jemqorlyqqa qarsy is-qımyl agenttiginiń  Respýblıkalyq  «SANALY URPAQ»  jobalyq keńsesiniń basshysy - Tokýshev Kaıyrjan Ahmetbekovıchtiń qatysýymen aýdan mektepterinde semınar ótkizildi. Aýdan mektepteri boıynsha «Parasatty mektep» kabıneti ashylyp, «Sybaılas jemqorlyqqa qarsy bilim», «Sybaılas jemqorlyqqa qarsy aqparat  jáne shyǵarmashylyq», «Mádenı-kópshilik is-sharalar» seksıalary  boıynsha kordınatorlar bekitilip jumys atqarylýda. Elimizde oryn alǵan COVID-19 pandemıasy bastalǵanǵa deıin aýdan mektepterinde oqýshylardy adaldyqqa shynshyldyqqa tárbıeleý maqsatynda «Adal dúken» jobasy iske asyrylǵan. Elbasy atap ótkendeı, sybaılas jemqorlyqqa qarsy is-qımylda kóp másele búkil qoǵamnyń belsendi qatysýyna baılanysty bolady. Ásirese óskeleń urpaq sybaılas jemqorlyqtan ada bolý úshin mektep qabyrǵasynan bastap tárbıeni osy baǵytta berý mańyzdy. Osy baǵytty ustana otyryp Moldabaeva Gýlshat Jaqsylyqqyzy  №151 JBBM dırektory «Oqýshylardyń sybaılas jemqorlyqqa qarsy kózqarasyn qalyptastyrý» avtorlyq baǵdarlamasy aýdan mektepteriniń 10 synyp oqýshylaryna «Adam.Qoǵam.Quqyq» pániniń oqý  úrdisine engizildi. Bala ómirinde oıynnyń mańyzy zor, ol eresekterdiń qyzmetinde, jumysynda, qyzmet babynda qandaı mánge ıe bolsa, munda da sondaı mánge ıe bolady. Bala oınaǵanda qandaı bolsa, eseıgende jumysta da kóp rette sondaı bolady. Sondyqtan da bolashaq qaıratkerdi tárbıeleý eń aldymen oıynnan bastalady. Osy uǵymdy ustana otyryp aýdanymyzdyń mektepteri «Biz jemqorlyqqa qarsymyz», «Jemqorlyqqa jol joq!» taqyryptarynda onlaın ıntellektýaldy marafon ótkizdi. Mektepterimiz ózara baq synasyp aýdanymyzdyń №182 JBBM «Adal Urpaq» eriktiler múshesinen quralǵan «Amanat» toby jeńimpaz atansa,2 orynǵa I.K.Mandokı №154 JBBM quralǵan «Qońyr Ulandary» men №151 JBBM «Parasatty» toby ıelenip, al 3 orynǵa №82 JBBM «Alataý qyrandary» toby men №26 JBBM «Abaı» toby ornalasty. Alataý aýdany mektepteriniń  ustazdary da, urpaq tárbıesinen de qalys qalyp jatqan joq. Atap aıtsaq  «Pedagogıkalyq ıdeıalar» saıysyna qatysýǵa belsendi túrde aýdan boıynsha daıyndyq júrgizilýde,sonyń biri №151 JBBM tarıh jáne quqyq negizderi  pániniń muǵalimi Kýnanbaev Mereı Qanatbekuly «Sybaılas jemqorlyqqa qarsy mádenıetti qalyptastyrýdaǵy ulttyq mentalıtet erekshelikteri» taqyrybynda daıyndalyp jatyr. Aýdanymyzdyń qazaq tili men ádebıet ádistemelik birlestik jetekshileri uıymdasyp, sybaılas jemqorlyqqa qarsy eń úzdik maqalalar toptamasyn iriktep, «Sybaılas jemqorlyqqa  qarsy  ulttyq mádenı negizderi» atty ádistemelik baǵdarlamany Almaty qalasy Bilim basqarmasy qalalyq bilim berýdegi jańa tehnologıalardyń ǵylymı – ádistemelik ortalyǵyna ótkizilýge  daıyndalyp jatyr. Osy maqsattaǵy jumystardy júıeli júrgizýge taǵy bir serpin retinde atalǵan aýdan mektepterine  jospar boıynsha sybaılas jemqorlyqqa qarsy árekettermen olardyń paıda bolýynyń aldyn-alýda júıeli, ári turaqty sharalar atqarýdy qamtamasyz etýge usynys berilip jumys júrgizilýde. Osylaısha qoǵamda sybaılas jemqorlyqqa qarsy mádenıettiń mádenı, aqyl-oı, qundylyq jáne áleýmettik negizderi bar. Qazirgi memleket pen qoǵamnyń ishki damýy memlekettik saıasattyń aldyn alý quraly retinde sybaılas jemqorlyqqa qarsy mádenıettiń qalyptasýyn qamtamasyz etýge múmkindik beredi.

---