InfoHub Logo

2020 bizdiń ómirimizge, jalpy adamzattyń ómirine óziniń tyń jańalyqtarymen endi. Eldi aıaǵynan tik turǵyzǵan Koronavırýstyq ınfeksıa (COVID-19) anyqtaldy. Pandemıa 13 naýryzda Nur-Sultan jáne Almaty qalalarynda bul indetti juqtyrǵan adamdar anyqtalǵan sátten bastaý aldy. 3 sáýirge deıin COVID-19 eldiń barlyq aımaǵyna taralyp úlgerdi. 16 qarashadaǵy resmı statısıkalyq aqparatqa sáıkes, Qazaqstanda koronavırýs indetin 120,463 adam juqtyrǵan, 109,643 adam bul aýrýdan saýyǵyp, 1,899 adam qaza tapqan.

Árıne, eshkimge ońaı soqqan joq. Birinshi orynda, elimizdiń tynyshtyǵy men halyqtyń amandyǵy ǵoı. Degenmen de, elimizde oryn alǵan basqa da jaǵdaılarǵa kóz jumyp qaraı almaımyz. Qaýipti vırýs juqtyrǵan adamdardyń sany kúnnen-kúnge ósip jatqandyqtan, sol bir jaǵdaılardyń aldyn alý maqsatynda elimizdegi kóptegen qalalar men oblystarda COVID-19 vırýsyna shaldyqqandardyń sanyn azaıtýǵa baǵyttalǵan erekshe sharalar men karantın rejımderi engizildi. Elimizdiń basty eki qalasy tolyǵymen jabyldy. Basqa da óńirlerdiń shekaralaryna shekteýler qoıyldy. Karantınniń saldarynan Qazaqstannyń ishki ónimderi azaıdy, birqatar salalardyń damý kórsetkishteri kemidi. Qurylys jumystary, saýda, kólik salalary quldyrady.

Áıtsede,  ár nárseniń óziniń qaıyry bar deıdi ǵoı. Kez kelgen nárseniń jaqsy jaǵyn kóre bilýimiz kerek. Osylaı boldyma, demek, Jaratqanymyzdyń qalaýy solaı boldy. Mysaly, ónerkásip óndirisi, óńdeý ónerkásibi, mashına jasaý, jeńil ónerkásip, farmasevtıka, baılanys qyzmetteri jáne aýyl sharýashylyǵy salalarynda ósim bar. Joǵarǵy oqý oryndarynda, orta mektepterde oqý túriniń jańa formaty «onlaın» oqý júıesinde bilim alýdy úırendik. Qazirgi tańda endi karantın birtindep jeńildetilýde. Jalpy, ekonomıka salalarynyń qalpyna keltirý jumystary júrgizilip jatyr. Epıdemıologıalyq jaǵdaı eskerilip, qyzmetter kórsetý sektorlarynyń belsendiligi qalpyna keltirilip jatyr.

Jalpy, indet barysynda elge tanymal kóptegen jandar, biriniń jaqyny, biriniń dostary  qaza taýyp jatty. Onyń barlyǵy, árıne, aýyr tıýde. Degenmen, «Saqtansań, saqtaımyn!» – deıdi ǵoı. Allanyń kitabynda da: «Óz-ózderińdi qaýip-qaterge tikpeńder», – dep eskertý jasalǵan. Sondyqtan da, barlyq sanıtarlyq sharalardy ustanyp, mamandardyń aıtqanyna qulaq asyp, saqtanyp júreıik. Densaýlyǵymyzdy qadirleıik! Ózimizdi ǵana emes, jan-jaǵymyzdaǵy adamdardy, jaqyndarymyzdy baǵalaı bileıik. Eń bastysy, elimiz aman, jurtymyz tynysh bolsyn degim keledi.

Ál-Farabı atyndaǵy QazUÝ Dintaný mamandyǵynyń stýdenti Abdıkalıkova A., aǵa oqytýshy Týngatova U.A.

---