InfoHub Logo

Adam kapıtalyn damytý, ıaǵnı biliktiligiń men bilimińdi tereńdetý, básekege qabilettilik pen ekonomıkamyzdyń damýyna tikeleı áser etedi dep habarlaıdy liter.kz portalynda.

Qazaqstan Respýblıkasy bilim jáne ǵylym vıse-mınıstri Aımaǵambetov Asqat Qanatulynyń aıtýynsha HİH-HH ǵasyrlarda damyǵan elder adamı kapıtalǵa 20-30% -dy ǵana ınvestısıalaǵan bolsa, al fızıkalyq qalǵan úlesin alyp otyrdy. Al XXI ǵasyrdyń basynda bul araqatynas qarama-qarsyǵa ózgerdi: 80% — adamnyń aktıvterinde bolsa, 20% — fızıkalyq kapıtal úlesinde boldy.

«Adam kapıtalynyń teorıashylary ekonomıkalyq ósý úshin oǵan salym salýǵa nazaraýdarady. Bul jerde jumyspen utymdy qamtý, eńbek naryǵynyń ońtaıly qyzmet etýi erekshe mańyzǵa ıe. Bilim berý men densaýlyq saqtaýdy, eńbek ónimdiligi men tabys deńgeıleriniń baılanysyn, kásipkerlik qyzmetti ýájdeýdi ekonomıkalyq qamtamasyz etýge dáleli jetik kózqarasqajet» — deıdi liter.kz portaly tilshileri.

Sondaı-aq, adam kapıtaly — memlekettiń, ekonomıkasy men onyń eńbekke jaramdy azamattarynyń básekege qabilettigin arttyrýdyń qajetti resýrsy. Qazaqstanda 2050 jylǵa qaraı dúnıejúziniń neǵurlym damyǵan 30 eliniń qataryna kirýge baǵyttalǵan kýrs ózindik adam kapıtalyn damytýǵa orasan mol ınvestısıalar salýdy talap etedi.

Tek biliktiligi joǵary qyzmetkerler ǵana postındýstrıalyq qoǵam, ıaǵnı «Bilim men jalpyǵa birdeı eńbek qoǵamy» jaǵdaıynda qyzmettiń barlyq túrlerinde joǵary tıimdilikke qol jetkizýge qabiletti.

Aıta ketelik, Elbasy N.Nazarbaevtvyń «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty joldaýyndaǵy «Adamı kapıtal — jańǵyrý negizi» bóliminde: «Barlyq jastaǵy azamattardy qamtıtyn bilim berý isinde ózimizdiń ozyq júıemizdi qurýdy jedeldetý qajet. Bilim berý baǵdarlamalarynyń negizgi basymdyǵy ózgeristerge únemi beıim bolý jáne jańa bilimdi meńgerý qabiletin damytý bolýǵa tıis. 2019 jyldyń 1 qyrkúıegine qaraı mektepke deıingi bilim berý isinde balalardyń erte damýy úshin óz betinshe oqý mashyǵy men áleýmettik daǵdysyn damytatyn baǵdarlamalardyń biryńǵaı standarttaryn engizý qajet. Orta bilim berý salasynda jańartylǵan mazmunǵa kóshý bastaldy, ol 2021 jyly aıaqtalatyn bolady. Bul – múlde jańa baǵdarlamalar, oqýlyqtar, standarttar jáne kadrlar. Pedagogtardy oqytý jáne olardyń biliktiligin arttyrý joldaryn qaıta qaraý kerek bolady. Elimizdiń ýnıversıtetterindegi pedagogıkalyq kafedralar men fakúltetterdi damytý qajet. Bilim berýdiń barlyq deńgeıinde matematıka jáne jaratylystaný ǵylymdaryn oqytý sapasyn kúsheıtý kerek. Bul — jastardy jańa tehnologıalyq qalypqa daıyndaýdyń mańyzdy sharty» — dep atap ótti.

---