InfoHub Logo

Almaty oblysy Uıǵyr aýdany Shyryn aýyly
«Shyryn orta mektebi mektepke deıingi shaǵyn ortalyǵymen»
komýnaldyq memlekettik mekemesiniń
8 synyp oqýshysy Abdýllaev Zaır Zaınýllaevıch
Jetekshisi: pedagog-psıholog Dılbırım Mahpırova

«Dostyq degenimiz ne?» - degen suraqqa adamdar ár túrli jaýap beredi. Dostyq týraly kóptegen maqal, áńgime, naqyl sózder, ertegiler bar.     

Dostyq degenimiz – bul óte tereń, kúrdeli, kóp maǵynaly uǵymdardyń biri. Balabaqshaǵa barǵannan beri dostarymyz da paıda boldy. Bir balalar bolsa mektepke kelip dos tapty. Kishkentaı kezimizde dosymyzben birge qýanyp, renjisip qalǵan kezderdi esimizge túsireıikshi. Biz bul oılardy jylylyqpen eske alamyz.

Siz de kishkentaı kezińizdegi syrlaryńyzdy, qupıalaryńyzdy eske túsirińizshi. Árıne buny siz  eń birinshi bolyp dosyńyzǵa aıttyńyz. Bireýlerimiz ómirimizde bir ǵana adammen dostastyq, bireýimizdiń 2-3 dosy bar. Qandaı jaǵdaıda bolmasyn dos eń birinshi bolyp kómekke keledi, ózinde bar nárseni aıamaıdy,qol ushyn sozady. Dostar arasynda qupıalar, bir–birine senbeý sıaqty nárseler bolmaıdy. Ómirimizde biz shynaıy dostyqqa kúá bolamyz.  Keıbir dostar ómiriniń aıaǵyna deıin dostasyp ketedi. Ekinshileri bolsa taǵdyrdyń áserinen aıyrylysyp ketedi. Biraq bir-birimen únemi habarlasyp turady.

Basyńyzǵa qıyndyq týǵanda eń aldymen dosyńyzǵa aıtasyz. Ol adamnan keńes, kómek suraısyz. Syrlarynyzdy eń aldymen dosyńyzǵa aıtasyz. Otbasyda, mektepte bir jaǵdaıǵa tap bolǵanda dosyńyzdyń kómegi óte qajet bolady. Meıli ol sizge úlken kómegin bere almasa da, jyly sózben sizdiń kóńilińizdi jubatady, jaqsy sózderdi aıtyp kóńilińizdi kóteredi. Sońynda siz bolǵan oqıǵany umytyp, júregińizde bir qýanysh, tynyshtyq sezimi paıda bolady.    

Qazirgi zamanda búkil álem qatygezdikke toldy. Kúndelikti ómirde, teledıdırda, gazetterde biz kóptegen jaǵdaılar týraly habardar bolamyz. Adam ózgergenin nemese zamannyń ózgergenin keıde túsinbeı qalamyz. Keshe dos dep sanaǵan adamymyz «dushpan» bolyp, «dushpandarymyz» adal dos bolyp ketýi de múmkin. Biraq bul ómirde adal dostyqtyń shyraǵyn óshirmeý úshin bar kúshimizdi salýymyz kerek dep oılaımyn.

---