InfoHub Logo

Jaqsy repetıtordyń eń aldymen tájirıbesi, kásibı bilimi jáne dıplomynyń bar ekenin bilip alý kerek dep oılaısyz ba? Onda qatty qatelesesiz. Bul máseleniń eshqandaı máni joq. Naǵyz ustazdyń ishinde kómektesýge jáne úıretýge degen zor ynta-yqylasy bolý kerek.

Eger repetıtorda ondaı sezim bolmasa, ony ol eshqandaı ýnıversıtette de oqyp, úırene almaıdy.

Áýeli: «Sabaq qalaı júredi?» dep suraýyńyz kerek.

Eger aǵylshyn tilinen úıretýshińiz sizge qandaı da bir oqýlyqty usynyp, osy kitap jaqsy, seniń deńgeıińe sáıkes keledi, onda mátinder, jattyǵýlar, tyńdalymdar bar, osy kitaptan oqyǵanyń durys dep aıta bastasa, demek siz aǵylshyn tilin oqýdyń ornyna sol oqýlyqty útir-núktesine deıin jattap shyǵasyz. Al bul múldem basqa nárse.

Siz júz oqýlyqty oqyp tastaýyńyz múmkin, biraq eshqashan aǵylshynsha sóıleı almaısyz! Onyń ústine, mundaı bir saryndy aǵylshyn tili sabaǵy ýaqyt óte kele sizdi jalyqtyryp jiberýi múmkin.

Aǵylshyn tilin naǵyz úıretýshiniń sabaǵy qurastyrmaq sıaqty bolady. Qurastyrmaqtyń ár bólshegi siz neni qalaısyz jáne aǵylshyn tili ne úshin qajet degen maqsatyńyzǵa, qajettiligińizge jáne qyzyǵýshylyǵyńyza sáıkes jınalady. Sizdiń armanyńyzdaǵy úıretýshi ózińizdi qyzyqtyratyn suraqtar men tolǵandyratyn taqyryptar týyndaǵan kezde aǵylshyn tili sabaǵyn kútpegen jerden júrgize beretindeı alǵyr bolýy kerek.

Árıne, birneshe oqýylyqty alyp, sonymen oqytý – óte jeńil jumys. Bilim berý jumystarynyń bárin oqýlyq júrgizedi, al úıretýshi janyńyzda otyryp, qatelesken jerińizdi túzetip otyrady. Ókinishke oraı, bul jumys emes, naǵyz kózaldaýshylyq. Al mundaı ustaz – naǵyz kózaldaýshy. Oqýshy bolsa sabaqtyń bulaı júrmeý kerek ekenin bilmesten, osy qalypta úırenýin jalǵastyra beredi.

Sonymen, jaqsy tálimgerdiń túıindemesi:

1) Aǵylshyn tiliniń úıretýshisi ár sabaqqa jaqsy daıyndyqpen kelýi kerek.

2) Aǵylshyn tiliniń úıretýshisi oqýshynyń ótinishine, oqý úrdisiniń ózgerý máselesine muqıat bolýy kerek. 

3) Úıretýshi oqýshynyń kez-kelgen suraǵyna ózi jaýap berýi kerek (sizge oqýlyqty ashyp, kesteni kórsetip túsindirmeýi kerek).

4) Aǵylshyn tilin úıretýshi bárin qarapaıym tilmen, ózi túsingendeı túsindirip berýi qajet. Eger ol oqýlyqtaǵy erejeni óz sózimen qaıtalap berse – onda ol sizdiń úıretýshińiz emes!

P. S. Aıtpaqshy, aǵylshyn tilin úıretýshimen birge oqýdaǵy taǵy bir mańyzdy nárse jaıly aıta keteıik. Eń bastysy, tańdaǵan ustazyńyz sizdi adam retinde tartyp, senim týdyratyndaı bolý kerek. Siz oǵan tolyqtaı senim artyp, aǵylshyn tilin rahattanyp úırenýińiz qajet.

---