InfoHub Logo

№151 jalpy bilim beretin mektep dırektory
Moldabaeva Gýlshat Jaqsylyqqyzy               

Adamgershilik taqyryby - máńgilik. Jas urpaqtyń boıyna adamgershilik qasıetterdi sińirý - ata-ana men ustazdardyń basty mindeti. Kórnekti pedagog V. Sýhomlınskıı «Eger balaǵa qýanysh pen baqyt bere bilsek, ol bala solaı bola alady», — deıdi. Demek, shákirtke jan-jaqty tereń bilim berip, onyń júregine adamgershiliktiń asyl qasıetterin úzdiksiz uıalata bilsek, erteńgi azamat jeke tulǵanyń ózindik kózqarasynyń qalyptasýyna, aınalasymen sanasýyna yqpal eteri sózsiz. Adamgershilik pen jaqsylyq – egiz! Jaqsylyq! Allanyń qudireti shyǵar, osy bir sózdi qulaǵymyz shalsa boldy, janymyz jadyrap sala beredi. Bireýge jaqsylyq tileý, qoldan kelse jaqsylyq jasaý, Alla Taǵaladan jaqsylyq suraý adam ómirin mándi de mazmundy etetin qaıyrly áreket ekeni belgili.

Osy oraıda qazirgi tańda oryn alǵan COVID -19 ǵa  baılanysty Qazaqstannyń eń úlken basty megapolısteri 19 naýryzdan bastap karantınge jabylǵany belgili. Osyndaı qıyn ýaqytta  muǵalimder men oqýshylar jańa qashyqtyqtan oqytýǵa beıimdele bastady. Kún sanap vırýs juqtyrǵandardyń sany kóbeıip halqymyzdyń eńsesi túsip júrgen sátte aılardyń sultany Ramazan aıy da kelip jetti. «Otyz kún orazada- otyz qaıyrymdy is jasa» bastaýymen Almaty qalasy Alataý aýdany №151 JBBM ustazdary pitir sadaqany erikti túrde jınap, az qamtylǵan, jetim – jesir, muqtaj otbasylaryna azyq-túlikpen kómek kórsetip Alataý aýdany mektepterine «Qaıyrymdylyq jasaýdan jalyqpaıyq» atty chelendj joldady.

Abaı Qunanbaev qara sózinde qazaqty birine biri dostyq oılaýǵa, jaqsy adamdardyń ústinen bekershilik, ótirik aqpar kórsetpeýge shaqyrady. Jaýlasý men daýlasý, qastyq pen talasý – qoǵamdy búlikke aparady. Qazaqta «Kelisip pishken toń kelte bolmas» degen bar. Árbir iste kelisimniń ústemdigi bolsa, sonda ǵana ult ulylyqqa umtylmaq. Jaqsyny eteginen tartyp, aıaǵynan shalsaq, jamandy qadirlep, jaǵympazdanyp jasampaz batyr qylsaq, onda bizdi Qudaı da aıamasy anyq. Tártipti qoǵamdy ádiletti basshy ǵana basqara almaq.  Osy oraıda bizdi árdaıym qoldap, aqyl keńesimen  bólisip júretin Alataý aýdany Bilim bóliminiń basshysy Aqmurzaeva Qarlyǵash Mederbekqyzyn atap ótkim keledi. Qarlyǵash Mederbekqyzyń jaqsylyq – adamnyń oıy, nıeti, is-áreketi. Jaman pıǵyldardan aýlaq bolaıyq, qaı kezde bolsa da adamǵa qol ushyn berip kómektesip, janashyrlyq tanytaıyq deıtin sózderin aldyǵa ala otyryp, Alataý  aýdanynyń  mektep basshylary bir aýyzdan atalǵan chelendjdi ilip alyp, bir januıa otbasyndaı jalǵastyrdy. Aýdan boıynsha  barlyq 26 mektep qatysyp 800-den astam otbasylaryna kómek kórsetti.

«Elim deıtin er qaıdan bolsyn, erim deıtin el bolmasa». Qýlyq pen aılaǵa salyp barlyǵyn ózine tartpaı, is qylmaq jandardyń jaqsylyǵyn aıtyp, nuryn tasytar kez keldi aǵaıyn! «Talap qyl artyq bilýge» dep jas urpaqty úıretetin, tálim- tárbıe beretin aǵaılar men apaılar, atalar men ájeler kóp bolsyn! Mártebelerińiz ústem bolsyn - Ustazdar!

---