InfoHub Logo

Jabaı qyzǵaldaqty kóp juldy. Bórkiniń mańdaıyna da, jaǵasyna da qystyryp aldy. Kóktemniń tuńǵysh gúline qýandy. Jóńkilgen móldir saǵymnyń arǵy jaǵynda orman munartady. Ýysyndaǵy bir top sarǵaldaqty mandaıyna qoıyp, kún jaqqa qarap tur edi, dóń astynan bir top traktor shyǵa keldi. Kabınadan basyn shyǵaryp alǵan jas jigit kúlip keledi. Kolyn sozyp birdeńe deıdi. Traktor toqtady. Jabaı qyzǵaldaqty usyna berdi. Bıikke qoly jetpedi. Traktorshy jigit qarǵyp túsip, shoq gúldi aldy. Betine basyp ıiskedi de, eńkeıip balany qushaqtady.

— Kóp jasa, balaqaı! Menimen birge jer jyrtýǵa barǵyń kele me?

Jabaı basyn ızedi.

— Nesi bar, kettik endeshe!

Traktorshy Jabaıdy kóterip aparyp, jumsaq oryndyqqa otyrǵyzdy da, rıchagtardy qozǵap qaldy. Traktor julqyp ala jóneldi. Jabaı terezeden syrtqa qarady. Traktor sumdyq shapshań kele jatqan syqyldy.

— Káne, balaqaı, tanysyp qoıalyq. Meniń atym — Rafık. Tatarstanpan keldim. A l seniń atyń, kim?

— Jabaı.

— Mine, biz tanysyp aldyq. Oqısyń ba?

— Joq.

Traktor dóń ústine shyǵyp toktady. Bul jerden búkil dala kórinedi eken. Dalada aq seleý tolqıdy. Rafık artyndaǵylarǵa daýystady:

— Osy jerdeı bastaımyz, daıynsyńdar ma?

— Daıynbyz!

Álginde ǵana tynysh jatqan boz dala ústinde jalpaq qara jol qalyp jatyr. Jabaı qoparylǵan qara shymdarǵa tańdanady. Rafık alǵashqy iz tartylyp bolǵansha moıyn burǵan joq, til de qatpady. Aspan tústes kók kózin qıan shettegi jalǵyz aǵashtan aýdarmady. Nysanadan aýytqysa, jol qısaıyp ketetin sıaqty.

— Mine, biz bolashaq egindiktiń shetine shyqtyq, — dedi Rafık, kóńildenip. Traktor keıin buryldy. Buıra jal borazda qatary keńeıip keledi.

— Qap, oıyma kelseshi! — dedi Rafık, bir kezde sanyn bir soǵyp. Sonan soń nan, konfet alyp, Jabaıdyń aldyna qoıdy.

— Al, Jabaı!

Jabaı bir túıir kámpıtti aýzypa saldy.

— Rafık, jo-joq, Rafık aǵa.

— Iá?

— Tatarstannan keldim dedińiz ǵoı, Tatarstan alysta ma?

— Iá, alysta.

— Ym. Men sekildi inilerińiz bar ma?

— Mende ini de, aǵa da joq...

«Ózi zerek eken» dep, Rafık súısine qarap edi, Jabaı qalǵyp otyr eken. Rafık, basyna beshpetin jastap, jumsaq oryndyqqa jatqyzdy. Sóıtti de, qannen qapersiz uıqtap ketken sábıdiń mańdaıynan sıpady.

Jabaı keshke Rafıkti úıine ertip keldi. Qatty qobaljyp otyrgan Ospan qart pen Salıha kempir qýanyp, báıek bop júr.

— Qulynym-aý, qaıda júrdiń? Seni izdep barmaǵan jerimiz joq.

— Myna Rafık aǵa ekeýmiz jer jyrttyq! — dedi Jabaı, soraıǵan uzyn jigittiń sanynan qushaqtap.

Sol kúnnen bastap jurt Rafıkty Jabaıdyń aǵasy dep atap ketti.

---