InfoHub Logo

Ál-Farabı atyndaǵy Qazaq Ulttyq Ýnıversıteti – elimizdegi, tipti álemdik arenada Qazaqstandy laıyqty tanytatyn eldiń aldyńǵy qatarly joǵary oqý oryndarynyń biri. Óziniń mártebesi men ásem kampýsy arqyly belgili ýnıversıtet jyl saıyn jas túlekterdiń alma-materi atanyp, bilim alýshylar úshin kóptegen múmkindikter jasaýda.

Oqý orny quramyna 16 fakúltet, 67 kafedra, 82 mamandyq, 32 ǵylymı-zertteý ınstıtýty men ortalyqtar, tehnopark qyzmetterin qamtıdy. Tarıhy tereń JOO-nynda 2000-nan astam profesor, doktor, ǵylym kandıdaty men fılosofıa doktorlary, 100-den astam akademıalardyń akademıkteri, 40-tan asa Qazaqstan Respýblıkasyna eńbek sińirgen qaıratkerleri, 40-qa jýyq Qazaqstan Respýblıkasynyń memlekettik jáne ataýly syılyǵynyń laýreattary, sondaı-aq, 40 jas ǵalymdar syılyǵynyń laýreattary men 47 memlekettik ǵylymı stıpendıalardyń stıpendıanttary eńbek etedi. Ýnıversıtet qabyrǵasynda 25 myńnan astam bilimger men magıstrant bilim alýda jáne olardyń árqaısysy eń iri 418 halyqaralyq joǵarǵy oqý ornymen ornatylǵan yntymaqtastyq aıasynda muhıt pen el asyp, shet elderge shyǵa alady. Búginde bul kórsetkishterdi halyqaralyq bedeldi reıtıń "QS World University Ranking 2020" boıynsha 165 orynǵa jyljyp, álemniń úzdik 200 JOO-nyń qataryna kirdi. 

QazUÝ-niń basty maqsaty elimizdiń qoǵamdyq ómiri men ǵylymyna, ekonomıkanyń mańyzdy baǵyttarynyń qarqyndy damý máselelerin sheshýge baǵyttalǵan zamanaýı, joǵary bilimdi, básekege qabiletti mamandar býynyn qalyptastyrý. QazUÝ ǵylymı ınfraqurylymynyń negizi – Respýblıkadaǵy irgeli zertteý baǵdarlamalary jalpy mólsheriniń 50 paıyzy júrgiziletin 20 ǵylymı-zertteý ınstıtýty men halyqaralyq ǵylymı ortalyq.

Óziniń erekshe ásem kampýsynda stýdentterge qajetti záýlim kitaphana, stýdentter men jas ǵalymdar magıstranttar, doktoranttar jataqhanasy, "Keremet" Stýdentterge qyzmet kórsetý ortalyǵy, jeke úzdik tehnologıadaǵy medısına ortalyǵy, tipti shashtaraz ben sýpermarket oryn alǵan. Stýdentter úshin halyqaralyq baǵdarlamalar, stıpendıalar men olımpıadalar ýnıversıtet tarapynan usynylyp, halyqaralyq arenaǵa shyǵýǵa múmkindik beredi.

Zulharnaıuly Sherhan, QazUÝ

---