InfoHub Logo

Qos dıplom baǵdarlamalary halyqaralyq yntymaqtastyqtyń mańyzdy baǵyttarynyń biri bolyp tabylady. Bir mezgilde eki dıplom alý arqyly stýdentterdiń óz akademıalyq bilimin tereńdetip, mádenıetaralyq almasýǵa qatysyp, kásibı mansap jolynda keń múmkindikter ashylady.

Qos dıplomdy bilim berý eki oqý baǵdarlamasyn qatar meńgertýdi kózdeıdi. Jalpy stýdent bir mezgilde eki baǵdarlamany meńgere otyryp, Bilim týraly eki teń qundy dıplom nemese negizgi bilimin rastaıtyn bir dıplom jáne qosymsha alǵan bilim týraly ekinshi dıplom alýy.

Iaǵnı qos dıplomdy bilim alý bir joǵarǵy oqý ornynda oqyp júrip, sondaı-aq belgili bir kezeń ishinde seriktes shet eldiń joǵarǵy oqý ornyna oqýǵa barý múmkindigin aıtamyz.

Qos dıplomdy oqý baǵdarlamalaryn júzege asyrý úshin seriktes – joǵarǵy oqý oryndary tyǵyz yntymaqtastyqta jumys isteıdi:

kelisilgen bilim berý baǵdarlamalary men oqý josparlaryn birlesip ázirleıdi jáne bekitedi;

stýdentter eki dıplomdy bilim alýǵa qosylǵan bilim berý baǵdarlamasynyń bir bóligin Eýropada bilim alý arqyly seriktes JOO -da meńgeredi;

seriktes joǵary oqý oryndary arasynda bilim berýdiń joǵary sapasynyń jalpy qaǵıdattary men standarttaryn jáne oqý úderisin uıymdastyrýdyń barlyq pýnktterin eskere otyryp, kelisim jasalady;

seriktes - JOO oqytýshylary jalpy qabyldaý jáne atestattaý komısıalaryna qatysady;

qos dıplomdy bilim berý baǵdarlamasyn tabysty meńgergen stýdentter ár seriktes joǵary oqý ornynyń dárejesin nemese seriktes joǵary oqý oryndarynyń arasyndaǵy kelisim negizinde bir birlesken dárejeni alady.

Qosdıplomdy baǵdarlamanyń artyqshylyqtary men kemshilik tustary

Qos dıplom baǵdarlamalary – bul stýdenttiń 4 jyl ishinde eki dıplom alýǵa jáne tabysty mansap qurýǵa úlken múmkindigi, óıtkeni shetelde oqý tájirıbesi jumys berýshiden suhbat alǵan kezde básekege qabiletti maman bolýǵa múmkindik beredi. Qos dıplomnyń birneshe artyqshylyǵy bar:

- Stýdent ýaqytyn shyǵynynsyz jumsap, eki ýnıversıtettiń dıplomdy mamany bolady;

- Stýdenttiń sheteldik joǵary oqý oryndarynyń magıstratýrasyna, ásirese stýdent dıplom alǵan joǵary oqý ornyna túsýge artyqshylyqtary bar;

- Stýdent basqa elderdiń stýdentterimen qarym-qatynas jasaı alady;

- Tildik tájirıbe jáne tildik orta stýdenttiń tildik daǵdylaryn jaqsartýǵa múmkindik beredi;

- Ary qaraı jumysqa ornalasa otyryp, sheteldik kompanıada tájirıbeden ótý múmkindigi kóp.

Degenmen, qos dıplom baǵdarlamalarynyń kemshilikteri de bar. Eń aldymen, birden eki joǵarǵy oqý oryndarynda oqýdy josparlap otyrǵan stýdent qıyn bolatynyn túsinýi kerek. Eki dıplom alý úshin kóp kúsh jumsaýǵa týra keledi, óıtkeni Halyqaralyq baǵdarlamalar básekege qabiletti myqty mamandardy shyǵarýǵa baǵyttalǵan. Stýdentterge qoıylatyn talaptar Joǵary. Kóptegen seriktes joǵarǵy oqý oryndary tildik daıyndyqtyń joǵary deńgeıin, sondaı-aq oqý prosesine tolyq enýdi talap etedi. Bul talaptardy seriktes- joǵarǵy oqý oryndarynyń eline kelgen stýdentter minsiz oryndaýy tıis.

Búginde qos dıplomdy bilim berý stýdentter men joǵary oqý oryndarynyń aldynda ashylǵan úlken múmkindikteriniń arqasynda erekshe ózektilikke ıe boldy.

Oqý oryndary sheteldik áriptestermen tájirıbe almasý, birlesken ǵylymı zertteýler júrgizý boıynsha ózara is-qımyl jasaýǵa múmkindik alady, al stýdentter halyqaralyq bilim berý baǵdarlamalary boıynsha bilim ala otyryp, otandyq jáne eýropalyq joǵary oqý oryndarynyń aldyńǵy qatarly oqytýshylarynan joǵary sapaly bilim berý qyzmetterin alady.

Qos dıplomdy bilim berý stýdentterdiń, Oqytýshylardyń, zertteýshi-seriktesterdiń halyqaralyq jeke qarym-qatynasynyń biregeı ortasynda bilim alýdyń tamasha múmkindigi bolyp tabylady. Oqytý arnaıy ázirlengen baǵdarlamalar boıynsha júrgiziledi. Bilim týraly beriletin qujattar elimizde ǵana emes, shetelde de jaramdy bolyp tabylady.

Ál-Farabı atyndaǵy QazUÝ Tarıh, arheologıa jáne etnologıa fakúlteti

T.ǵ.k., dosent L.M. Hasanaeva 2-shi kýrs magıstranty Daırova Gúldana

---