InfoHub Logo

Kóktem kelip, jýannyń jińishkerip, jeńishkeniń úziletin shaǵynda dárýmen jetispeýshiligi kim úshin bolmasyn ózekti taqyrypqa aınalady. Aǵzamyz dárýmen tapshylyǵyn sezinse, álsirep, kez-kelgen vırýsty ońaı juqtyramyz.

Bile bilseńiz, aǵzańyzǵa dárýmen jetispeıtinin aınaǵa qarap-aq bile alady ekensiz. Senbeısiz be? Olaı bolsa, aınaǵa qarap, tekserip kórińiz.

Teriniń bozarýy

Qys bitip, kóktem kelgen ýaqytta kez-kelgenimiz kúnge kúıgen terimizdiń sulýlyǵymen maqtana almaımyz. Al biraq terińiz tym bozaryp ketse, mundaı belgi V12 dárýmeniniń jetispeýshiligin ańǵartýy múmkin. Bul dárýmensiz biz ózimizdi jabyrqańqy ári sharshańqy sezinemiz. Al onyń ornyn toltyrý úshin, et jáne teńiz ónimderimen jıi aýqattanyńyz.

Shashtyń qurǵaýy

Qurǵaq, synǵysh, qaıyzǵaqty shash bıotın, ıaǵnı V7 dárýmeniniń jetispeýshiligin bildirýi yqtımal. Aǵzańyzdaǵy mundaı ózgeris ádette antıbıotıkter qabyldaǵannan keıin baıqalady. V7 dárýmeniniń aǵzańyzdaǵy mólsherin arttyrý úshin, et, balyq, kókónister men jemister, sańyraýqulaq, burshaqty ónimdermen tamaqtanyńyz. Sonymen qatar biraz ýaqytqa emdámdi umytqanyńyz abzal.

Kózdiń isinýi

Eger kózińiz jáne aıaq-qolyńyz isinse, aǵzańyzǵa ıod jetispeýi múmkin. Al kópshilikke keń taraǵan ıod kózi – ıodtalǵan tuz. Sonymen qatar ıod teńiz ónimderiniń (asshaıan, baldyr, lobster), sút ónimderiniń jáne nannyń quramynda kezdesedi.

Erinniń tússizdenýi

Bozarǵan erin aǵzadaǵy temir jetispeýshiliginen belgi berýi yqtımal. Eger jıi tumaýratyp, qan qysymyńyz tómen bolsa, bul belgiler joǵarydaǵy dıagnozdy qýattaı túsedi. Dese de temir jetispeýshiliginen arylý qıyn emes. Ol úshin jıi etpen aýqattanyp, quramynda kálsı kóp mólsherde kezdesetin taǵamdardan ýaqytsha bas tartqanyńyz jetkilikti.

Qyzyl ıek qanaýy

Qyzyl ıektiń qanaýymen baılanysty qıyndyq – aǵzańyzǵa S dárýmeni jetispeýshiliginiń belgisi. Onyń aǵzadaǵy mólsheriniń tómendeýi ımýnıtettiń álsireýine, bulshyq et jáne súıek aýrýlaryna, tiske baılanysty qıyndyqtarǵa alyp keledi. S dárýmeni sıtrýsty jemister men qyzyl burysh quramynda kóptep kezdesedi.

Joǵaryda atalǵan syrqat belgileri dárýmenderdiń jetispeýshiliginen paıda bolýy múmkin janama belgiler ekendigin atap ótkenimiz jón. Eger boıyńyzdan atalǵan nyshandardyń bireýin baıqasańyz, naqty dıagnoz qoıý úshin, dárigerge qaralǵanyńyz abzal.

---