InfoHub Logo

Bir zor álim moldadan jańa dinge kirgen adam:

— Taqsyr, men ımandy qalaı etsem úırenemin? — dep surapty.

Álim aıtty:

— Shyqqan kún men aıdan, kók pen jerden, sý men jelden, jer men taýdan, jańbyr men kardan úıren,—dedi.

Surap turǵan adam bul sóz ne sóz ekenin bile almaı daǵdaryp turdy. Sonda álim aıtty:

— Dalaǵa shyqsań kók pen jerdi kóresiń, kún men aıdy, kók ústinde juldyzdardy, taýdy - tasty, jel men jańbyrdy — osynyń bárin kóresiń, solarǵa qarap oı jiberseń, onyń bárin adam jaratýǵa qolynan keler ister emes. Olaı bolsa, sonyń bárin joqtan bar etken bir Qudiretti ıe bolsa kerek, biz kórmegen. Sol aqylǵa oılanyp jetisseń, ımanyńnyń jartysy tamam bolǵany, —dedi.

---