InfoHub Logo

Taqyryby: Álippemen qoshtasý
Maqsaty: 1) oqýshylardyń alǵan bilimderin «Álippemen qoshtasý» keshinde bekitý;
2) óz ata - analarǵa, ustazdarǵa bilimderin kórsetý;
3) adamgershilikke, uqyptylyqqa, erteńgilik barysynda ózderin durys ustaı bilýge baýlý.
Kórnekiligi: oqý, bilim jaıly ulaǵatty sózder.
Kirispe sóz:
Qurmetti ata - analar, ustazdar, oqýshylar! Osydan tórt aı buryn mektep tabaldyryǵyn attaǵan kishkentaı búldirshinder 42 áripti meńgerip, Endi mine súıikti Álippesimen qoshtasqaly otyr. Búgingi toı – sizder men bizder úshin ortaq saltanatty mereke.
Qosh keldińizder, deı otyryp, «Qosh bol, súıikti Álippem!» atty erteńgiligimizdi bastaýǵa ulyqsat etińizder.
Bala degen shirkin - aı baldaı eken,
Tátiligi jal men jaıadaı eken.
Aryp – ashyp daladan kelgenińde,
Bal ıisin tarttyryp aldaıdy eken!- dep Kenen Ázirbaev aıtqandaı kelesi kezekti oqýshylarǵa bereıik.

Shashý, shashý, shashaıyq
Aq sandyqty ashaıyq
Bul mereke, bul toıdyń
Bastańǵysyn jasaıyq

1 - júrgizýshi: Qaıyrly kún, ýa halaıyq?
2 - júrgizýshi: Armysyzdar, muǵalimder, áz jandar,
Bilim izdep ınemen qudyq qazǵandar.
Qushaq jaıa qarsy alaıyq sizderdi,
Bı bılenip, ánde búgin shyrqalar.

1 - júrgizýshi: Qosh keldińizder, aq jaýlyqty analar
Júzderińnen meıirim nur tamar
Aldaryńyzda jaýqazyndaı qulyndar.
Biz alańsyz balǵyn shaqty balalar
Án: álippe
1 - júrgizýshi:- Dostar! Osy men álippemen qoshtasýdy jón kórmeı turmyn.
2 - júrgizýshi: - Oı, ne boldy? Nege olaı deısiń?
1 - júrgizýshi. Al men jylaǵym kelip tur
2 - júrgizýshi: - O, nesi, nege jylaǵyń kelip tur?
1 - júrgizýshi: Aıtpaımyn ózderiń taýyp alyńdar.
Muǵalim: Daýlaspańdar balalar! Men senderden buryn bilip turmyn. Sebebi sender 4 aı boıy oqyǵan bilim atasy «Álippemen» qoshtasqylaryń kelmeı tursyńdar. Solaı ma?
1 - júrgizýshi: Durys aıtasyz. Álippemizge rahmet aıtsaq ta, qımaı turmyz.
2 - júrgizýshi: Balalar, Álippeni ortaǵa shaqyraıyq.
Bári: Álippe, álippe, álippe.
Álippe: Armysyzdar, jas dostar
Armysyzdar ata - ana
Búldirshinder, balǵyndar
Meniń atym - Álippe
Mine ózińdi dáripte
Mine osylaı er jetken
Aǵań menen ápkeń de
- Sálemetsizder me, meniń súıikti, dostarym! Sender meni oqyp saýattaryńdy ashtyńdar, jazýǵa, oqýǵa úırendińder. Al, endi búgin maǵan óz bilimderiń men ónerlerińdi kórsetińder.

Muǵalim: Álippe, bizdiń balalardyń jattaǵan taqpaqtary bar. Sony sizge aıtyp bersin:
Álippe: Jaraıdy, aıtyp bersin
Álippe:- Qane, beri qaraıyq,
Zeıin qoıyp tyńdaıyq
Áriptermen tanysý
Taqpaqtaryn bastaıyq.