InfoHub Logo

Taqyryby: " Tapqyr dostar" saıysy
Sabaqtyń maqsaty: Oqýshylardyń bilim alýǵa degen qushtarlyqtaryn arttyrý jáne logıkalyq oılaý qabiletterin damytyp, ózgeniń oıyn tyńdaý, syılaý daǵdylaryn qalyptastyryp, jan - jaqty bolýǵa, ózin - ózi damytýǵa yntalandyrý.

Sabaqtyń barysy:
İ. Uıymdastyrý.
İİ. Saıys: Saıysqa 2 top qatysady. Oqýshylarǵa saıystyń sharty túsindiriledi. Toptarmen tanysyp, qaı top saıysty bastaıtynyn anyqtaý.
İİİ. Saıys kezeńderindegi tapsyrmalar:
1. Jorǵa
2. Kim kóp biledi?
3. Oılan - tap;
4. Sıqyrly sózder;
5. Qurastyrý
6. Túsip qalǵan áripter;
7. Bıngo
8. Qaı ertegiden úzindi?
İV. Qorytyndy.

Júrgizýshi: Qaıyrly kún, qymbatty ustazdar men oqýshylar!
- Qurmetti dostar! Aqyl kópke jetkizedi. Óner kókke jetkizedi.
«Bilekti birdi jyǵar, bilimdi myńdy jyǵar»- deıdi.
Balalar, bul – jolbasy, danalyqqa
Kelińder túsip baıqap qaralyqta
Bul jolmen bara jatqan ózińdeı kóp,
Solardy kóre tura qalalyq pa?
Danalyq – óshpes, jaryq ketpes baılyq
Júrińder, izdep taýyp alalyqta. – dep Ahmet Baıtursynov aǵamyz aıtqandaı, eshkimnen kem bolmaı, eshnárseden qalyp qoımaı óz bilimimizdi myna otyrǵan halyqqa kórseteıik.

«Tapqyr dostar» atty saıysyna qosh keldińizder!

Olaı bolsa saıysymyzdy bastaımyz. 1 «b» synyp oqýshylarynan quralǵan toptarmen tanysaıyq.
1. «Bilimdiler» toby
2. «Alǵyrlar» toby
Ár kezeń boıynsha ádil baǵasyn berip otyratyn ádilqazylar alqasymen tanys bolaıyq.
-----------------------------
Saıystyń shartymen tanys bolyńyzdar:

Tapsyrma sheshimin jyldam taýyp, jaýap berý arqyly upaı jınaý. Saıys 8 kezeńnen turady, ár kezeńniń tapsyrmasy 10 upaımen baǵalanady. Tapsyrmalarǵa 2 top kezekpen jaýap beredi. Eger jaýap bergen toptyń jaýaby durys emes bolsa, qarsy top durys jaýabyn bilse jaýap berip upaıyn ózderine qosyp alýlaryna bolady.
Kóp upaı jınaǵan top jeńimpaz bolady.
Óleń sózdiń patshasy, sóz sarasy
Qıynnan qıystyrar er danasy,
Tilge jeńil júrekke jyly tıip
Tep – tegis, jumyr kelsin aınalasy dep uly Abaı aıtqandaı syrty kúmis, ishi altyn sózderimen 2 top ózderin tanystyryp ótse.