InfoHub Logo

Almatyda aıaldamalardaǵyavtobýs kútýge ketetin ýaqyt30 paıyzǵa tómendedi. Mundaı kórsetkishkólikti basqarý júıesin synaqtan ótkizý kezinde belgili boldy. Bul týraly Aqparat jáne komýnıkasıalar mınıstri Dáýren Abaev búgingi Úkimet saǵatynda habarlady.

«Almatyda kólikti basqarý júıesin synaqtan ótkizý kezinde aıaldamalardy kútý ýaqyty 30 paıyzǵa deıin qysqarǵan. Al, Astana qalasynda Sergek júıesin paıdalaný esebinen 2018 jyldyń birinshi jartysynda 30 mln teńge qarjy búdjetke tústi. Bilim berý salasynda Shymkent qalasynda balabaqshalarǵa kezekti 2 jarym ese azaıtýǵa jaǵdaı jasalǵan», — dedi Dáýren Abaev.

Onyń aıtýynsha, jumystardyń bári elge, elimizge oń nátıjesin berip jatqanyn qazirdiń ózinde kórýge bolady. Sondaı-aq, mınıstr «Aqyldy qala» konsepsıasynyń arqasynda birqatar  nátıjege qol jetkizilip jatqanyn aıtty.   

«Júıeniń ózi elektr energıasyn qajettiligine baılanysty avtomatty túrde  berilýin retteıdi. Qalanyń pılottyq aýdanynda jasyl tehnologıalardy tájirıbeli túrde synaý sheńberinde Aqtóbe oblysy energıanyń balama kózderin qoldaný esebinen energıa tutyný kórsetkishteriniń tómendeýine qol jetkizdi. Shymkent qalasyjol-kólik oqıǵalaryn foto-beıne túsirý  júıesine engizýdiń aıasynda jol júrý erejeleriniń buzý jaǵdaılary 17 prosentke azaıǵan», — dep atap ótti ol.

Al, adamnyń kelbetin taný júıesi bolsa ýaqytty azaıtyp, shyǵyn kólemin qysqartady eken.

Aqparat jáne komýnıkasıalar mınıstriniń aıtýynsha, Almaty oblysyndaǵy Qorǵas beketinde adamnyń kelbetin taný júıesine alǵash synaq júrgizgenniń ózinde izdeý sharalaryna jumsalatyn ýaqyt 15 paıyzǵa deıin azaıady dep kútilýde.  Buǵan qosa, Almatyda qalalyq kólik qoıý oryndaryn tólem júrgizý qyzmetiniń tek 17 prosenti kólik qoıý oryndarynda ǵana iske asyrylady. Búginniń ózinde búdjetke túsken ósimder 6 esege ósken.

Sondaı-aq, ol elimizdiń túkpir-túkpiri boıynsha sıfrlandyrý qarqyndy júzege asyrylyp jatqanyna toqtaldy.

«Óńirlerdiń barlyǵy aqyldy qala jasaýǵa negiz bolatyn servısterdi jasaýda keń aýqymdy jumys kólemin júrgizip jatqanyn atap ótý óte mańyzdy», — dedi D. Abaev.

Aıta keteıik, Qazaqstan aımaqtaryndaǵy smart jobalardy iske asyrylý 2017 jyldyń kúzinde bastaldy. Onyń aıasynda mınıstrlik árbir salaǵa arnalǵan qyzmet salalaryn qarjylandyrý túrlerin tehnologıalardy jáne  boljamdy jobalardy qamtıtyn smart sity konsepsıasyn jasap bekitken bolatyn.

---