InfoHub Logo

Atalmysh oblysta sıfrlandyrý aıasynda mektepteriniń 80%-y ınternetke erkin shyǵý múmkindigine ıe boldy. Bul jaıynda búgin Úkimettiń kezekti otyrysynda Aqtóbe oblysynyń ákimi Berdibek Saparbaev aıtty.

Búginde oblysta 421 jalpy bilim beretin mektep bar. Onda 136 myń bala oqıdy. Ótken jyly oblysta 1,2,5,7-synyptar jańartylǵan bilim mazmunyna kóshti. Búginde jańartylǵan baǵdarlama boıynsha 57 821 oqýshy bilim alady. Bilim berý uıymdarynda jańa baǵdarlama satylap engiziletin bolady.

«Mektepterdi kompúterlermen qamtamasyz etý úshin qosymsha búdjetten 650 mln. teńge kóleminde qarajat bólindi, jyl sońyna deıin barlyq derlik mektepter jańa kompúterlermen tolyqtyrylatyn bolady», — dedi Oblys basshysy B.Saparbaev.

Mektepterdiń oqý baǵdarlamasy jańartylǵan mazmunǵa kóshkennen keıin oqýshy biliminiń baǵalanýy da ózgeredi.

«Oblystyń 89% mektepteri elektrondy kúndelik baǵdarlamasyna engizilgen». Baǵdarlama muǵalimderdi qaǵazbastylyqtan 50%-ǵa deıin qysqartady, ata-analardyń balalarynyń sabak úlgerimin baqylap otyrýyna, bilim sapasyn jaqsartýǵa, qala men aýyldyń arasyndaǵy araqashyqtyǵyn, memlekettik shyǵyndy azaıtýǵa múmkindik beredi», — dedi oblys ákimi.

Bilim berýdi tolyq sıfrlandyrý úshin elektrondy kúndelikterdi tolyqqandy paıdalaný mańyzdy. Sondaı-aq árbir oqýshynyń óziniń jeke kabıneti bolady. Onda balabaqshadan bastap PhD-ge deıin búkil aqparat, atap aıtsaq, barlyq baǵalar, olımpıadalar, portfolıo, dıplom jumystary bar málimet saqtalady.

Sondaı-aq, oblystyń bilim salasyndaǵy máselelerdiń biri — oqýlyq máselesi. Qazaqstan Respýblıkasynda bilim berýdi jáne ǵylymdy damytýdyń 2016-2019 jyldarǵa arnalǵan memlekettik baǵdarlamasynyń maqsatty ındıkatoryna sáıkes Nazarbaev zıatkerlik mektepteri tájirıbesi boıynsha 2018 jyly jańartylǵan bilim berýge sáıkes 3,6,8-synyptardyń oqýlyqtary men oqý-ádistemelik quraldary jańartylatyn bolady. Osyǵan oraı, 3,6,8-synyp oqýshylaryn jańartylǵan oqýlyqtar jáne oqý-ádistemelik quraldarymen qamtamasyz etý úshin oblys boıynsha barlyǵy 1674,0 mln teńge qarjy bólingen.

Qazirgi tańda bólingen qarjy sheginde aýdandyq jáne qalalyq bilim bólimderimen baspalarǵa tapsyrys berý jáne shart jasasý jumystary uıymdastyrylýda.

Aıta ketelik, «Sıfrlyq Qazaqstan» memlekettik baǵdarlamasy aıasynda «aqyldy qalalardyń» tıptik tujyrymdamasy vıse-premer mınıstr Asqar Jumaǵalıevtiń bastamasymen Aqparat jáne komýnıkasıalar mınıstrligi jáne «Zerde» ulttyq ınfokommýnıkasıa holdıńimen júzege asyrylýda.

---