InfoHub Logo

Atamnan bastalar,
Ájemmen qostalar
Otbasym mynalar:
Eń jaqyn adamdar-

Ákem men anam bar,
Bir týǵan sińlim bar,
Bárin jaqsy kóremin,
Erkeleımin,eremin!

 

Otbasynyń tiregi álpeshtegen áke men aıalaǵan ana. Ata-anaǵa, úlkenge qyzmet etip, ákeniń eńbegin, ananyń aq sútin óteý – bizdiń boryshymyz. Ata-ana – otbasynyń negizgi dińgegi, bastapqy dánekeri. Bala ákeden aqyl, anadan meıirim alady.

Meniń de óz otbasym bar. Bizder, naǵashy atamnyń úıinde turatyn alty janbyz – naǵashy atam men ájem, ákem men anam jáne sińlim. Naǵashy ata men ájem ómir boıy ustaz bolyp qyzmet etti. Ájem Qalıma qurmetti eńbek demalysynda – sińlim Alına ekeýmizdiń qamqorshymyz jáne tárbıeshimiz.Ájem únemi bizge aqylyn aıtyp otyrady, keıde meniń sabaǵyma da kómektesedi.

Naǵashy atam Álik kóp jyl basshy qyzmetter atqardy, qazir Q.Jubanov atyndaǵy ýnıversıtette oqytýshy bolyp eńbek etedi. Men atamdy ózime úlgi tutamyn, atam men ájem sıaqty elge sıly azamat bolǵym keledi.

Týǵan atam Aleksandr búkil ǵumyryn júrgizýshilik qyzmetine arnaǵan. Ókinishke oraı, atam eki jyl buryn dúnıeden ozdy. Óz ájem – Záýresh. Ol kóp jyldar dúkenshi bolyp eńbek etti. Qazir zeınetker.

Ákem Asqar – otbasymyzdyń asyraýshysy, qorǵany. Ákem de atamnyń jolyn qýyp, «Marat» atty júrgizýshiler daıyndaıtyn mektepte júrgizýshi-nusqaýshy bolyp qyzmet isteıdi. Anam Altynaı – otbasymyzdyń uıtqysy, jylýy, shýaǵy. Q.Jubanov atyndaǵy ýnıversıtette zerthanashy bolyp jumys jasaıdy.

Anam meniń mýzykaǵa qabiletimdi baıqap, mýzyka mektebiniń fortepıano klasyna tirketti. Onyń birinshi klasyn úzdik bitirip, qazir ekinshi klasynda oqyp jatyrmyn. Otbasyma shaǵyn konsert qoıýǵa da shamam kelip qaldy. Pıanınoda oınaý maǵan qatty unaıdy. Anama alǵysym sheksiz.

Al, sińlim Alına, sýret salýdy qatty unatady. Sodan bolar, sýret salýdan esh jalyqpaıdy.

Men óz otbasymdy, ásirese kishkene sińlim Alınany óte jaqsy kóremin. Sebebi, ár otbasynda súıispenshilik pen túsinistik myqty bolsa, táýelsiz elimizdiń dińgegi de berik bolatynyn túsinemin.

Otbasy – barsha adamzatqa eń jaqyn, eń qasıetti uǵym. Adam eń alǵash shyr etip dúnıege kelgen sátinen bastap otbasynyń tárbıesin alady. Ata-ájem jáne áke-anam – ómirdegi eń qymbatty da qadirli adamdarym. Olar meni jaqsylyqqa ádeptilikke, adamgershilikke tárbıeleıdi. Sabaqta da, úıde de uqypty, tártipti, sanaly bala bolsa eken dep tileıdi.

Ásirese, atamnyń: «Túp qazyǵyń – Otanyń, ar-namysyń – tiliń, káýsar bulaǵyń – ustazyń, qamqorshyń – ákeń, aqylshyń – anań», - degen sózderi kóńilimde jattalyp qaldy. Bolashaqta ata-anamnyń úmitin aqtaýǵa bar kúshimdi salamyn.

 

Oqýshy: Sagalova Sabına 
Muǵalimi: Qaıraqbaeva Tynyshtyq Saǵynaıqyzy

---