InfoHub Logo

Uly kompozıtor Qurmanǵazy demokratıalyq baǵyttaǵy kózqarasy úshin ustalyp abaqtyǵa aıdalǵaly jatqanda anasy Alqa qoshtasýǵa keledi. Aıaýly anany kórgende arys azamattyń kózine jas monshaqtary irkildi.

Jaý aldynda jasyǵanyna namystanǵan er ana: «ul týdym dep júrsem, jasyq qul týǵan ekenmin ǵoı» dep ulynyń jaǵynan shapalaqpen tartyp-tartyp jiberedi.Sondaǵy Qurmanǵazynyń ishteı tolǵanysy:

Jasyp turǵan shaǵymda,
Qaırattandyrǵan.
Sasyp turǵan shaǵymda,
Aıbattandyrǵan –
Seniń shapalaǵyń,
Qaıran sheshem!
Kózime jas irkilse – seni aıaǵanym-dy,
Ańsaǵanym erkindigimdi, baıaǵy ánimdi.
Týar, – dep, – qarý ustar qashan kúnim.
Jaralady-aý janyńdy osaldyǵym.
Janydy jigerimdi –
Shart etken shapalaǵyń.
Tanytty bul ómirde –
Kim bolmaq atar oǵym.
Jat maǵan batpaq-eles,
Sharyqtar shabytyma endi eshkim toqta demes.
Qaıǵyrma, qaıran ana, qanjar ul jaryp shyǵar,
Qap túbinde jatpaq emes.
Eseıdim bir kúnde men,
Qul bolman mińgirlegen.
Halqymnyń qamyn jeıtin,
Kúı bolam kúmbirlegen.
Ot quıyp oı-sanama,
Jandyryp ótken jaǵymdy.
Umytpan esh, jan ana,
Shapalaǵyńdy –
Jasyp turǵan shaǵymda,
Qaırattandyrǵan.
Sasyp turǵan shaǵymda,
Aıbattandyrǵan.

---