InfoHub Logo

Synyptan tys jumys
9 - 10 synyptar
«Ana tili arýy» baıqaýy
1 - júrgizýshi:
Armysyzdar, qadirli qonaqtar!
Qurmetti ustazdar!
Aıaýly oqýshylar!

2 - júrgizýshi:
22 - qyrkúıek – tilder kúni borshańyzǵa qutty bolsyn!

1 - júrgizýshi:
Tilder merekesine arnalǵan «Ana tili arýy» baıqaýyna qosh keldińizder!

2 - júrgizýshi: - Qutty bolsyn bárińe
Tilder úni mereke!
Qazaqstan jerinde
Bolsyn birlik, bereke!

1 - júrgizýshi: Táýelsizdik – mánimiz
Dostyq bizdiń - sánimiz
Memlekettik til bolǵan
Qazaq tili – ánimiz!

2 - júrgizýshi:
Qazaq osy aıtatuǵyn elge syr:
O, aǵaıyn, halyq emes, ol kesir.
Qazaq osy ańǵal - sańǵal jabýsyz
Qazaq osy aǵyl - tegil, kól - kósir
Qazaq osy «óner aldy - til»- deıtin,
Qazaq osy qarasyń ba, aqsyń ba,
Qońyrsyń ba jatyrqaýdy bilmeıtin,- dep aqyn aǵamyz Qadyr Myrza Álı, qazaq dalasynda 130-dan astam basqa ult ókilderi bir shańyraq astynda tatýlyqta, syılastyqta ómir súrip jatqany bárimizge málim.
Qazaqstan jerinde turatyn ár adam Otanyn súıý, mádenıeti men tilin bilý jáne olardy qasterleý qasıetti boryshy ekenin sezinýi qajet. Osy maqsatpen mektebimizde «ana tili arýy» atty baıqaý uıymdastyrylyp otyr

1 - júrgizýshi:
Baıqaýǵa sózge sheber, on saýsaǵynan bal tamǵan ónerli qyzdar qatysqaly tur. Baıqaý 5 kezeńnen turady. 1 - kezeńde baıqaýǵa qatysýshylar ózderin tanystyrady, 2 - kezeńde «Qazaqstan Táýelsizdigine - 20 jyl» taqyrybynda óz oılaryn kórkem sózben jetkizedi, 3 - kezeń «On saýsaǵynan bal tamǵan» taqyrybynda qyzdardyń qolóner sheberligin tamashalaımyz, 4 - kezeń «Bilimdi myńdy jyǵar» dep atalady. Munda ártúrli suraqqa tapqyr jaýap alamyz, 5 - kezeńde arýlarymyzdyń ártistik qabiletin, mánerlep oqý sheberligin tanyp bilemiz. Iaǵnı, kórkem shyǵarmadan úzindi jatqa oqý. Ár bólim 1 - 5 aralyǵyndaǵy upaımen baǵalanady.

2 - júrgizýshi:
Týǵan tilim - tirligimniń aıǵaǵy,
Tilim barda aıtylady syr oıdaǵy.
Ósse tilim, men de birge ósemin,
Óshse tilim, mende birge óshemin – degen uranmen baıqaýǵa kelgen arýlardy ortaǵa shaqyramyz.
1-nómirli arýymyz 9 «A» synyp oqýshysy
2..............
3..........
1 - júrgizýshi:
Arýlarymyzǵa ádil baǵasyn berýshi ádil - qazylar alqasymen tanys bolyńyzdar
1..........
2..........
3........
2 - júrgizýshi:
Betasharyn saıysymyzdyń bastaıyq,
Kórermendi bir serpiltip tastaıyq.
Tanystyrsyn arýlar ózderin,
Ónerine dý qol soǵyp qostaıyq.
Ózin tanystyrýǵa 1 - nómirli 9 «A»synyp oqýshysy shyǵady.

(Barlyq arýlar tanystyryp bolǵan soń)
1 - júrgizýshi:
- Aldaryńyzda 9 «A» synyp arýlarynyń qoldaý tobyn ortaǵa shaqyramyz.

2 - júrgizýshi:
Sý túbinde jatqan tas
Jel tolqytsa shyǵady.
Oı túbinde jatqan sóz
Sher tolqytsa shyǵady - 2 - kezeńde arýlar «Qazaqstan Táýelsizdigine - 20 jyl» taqyrybynda kórkem sózben óz oılaryn jetkizedi.
1 – nómirli......
(Barlyq arýlar bolǵan soń)
1 - júrgizýshi:
- Aldaryńyzda 9 «B» synyp arýlarynyń qoldaý tobyn ortaǵa shaqyramyz.

2 - júrgizýshi:
Kóp til bilseń kókjıegiń keń bolar,
Qurmetteıdi kisi eken dep tórge ozar.
Qaı elde júrseń de bul, durysy -
Memlekettik tildi úırengen jón bolar - dep qazaq tilin qurmetteńder degimiz keledi

1 - júrgizýshi:
3 - kezeń «On saýsaǵynan bal tamǵan» taqyrybynda arýlarymyzdyń qolóner sheberligin tamashalaýǵa shaqyramyz
1 – nómirli......

(Barlyq arýlar qolónerlerin kórsetip bolǵan soń)
2 - júrgizýshi:
- Aldaryńyzda 10 «A» synyp arýlarynyń qoldaý tobyn ortaǵa shaqyramyz.

1 - júrgizýshi:
Qazaqtyń túrli - túrli dástúri bar,
Onyń syryn ashqanǵa jurt qyzyǵar.
Jaýabyn taba ma eken arýlar
Sol sebepten qoıatyn suraqtar bar.
Kelesi kezeń «Bilimdi myńdy jyǵar» dep atalady. Bul bólimde arýlar 1 mınýt ishinde qoıylǵan suraqtarǵa naqty ári tez jaýap berýi tıis.
Arýlardy Ortaǵa shaqyramyz. Myna jáshiktiń ishinen suraqtardy ózderińiz tańdap alasyzdar. Birtindep alyp, daýystap oqyp berińizder. Eger jaýaptaryńyz daıyn bolsa, birden jaýap berýlerińizge bolady.

(suraq - jaýaptan bolǵan soń)
1 - júrgizýshi:
Ónerliniń ónerin
Taǵy da baıqap kóreıik.
Júırik attaı jeleıik
Án men jyrǵa kezek bereıik.
- Aldaryńyzda 10 «B» synyp arýynyń qoldaý tobyn ortaǵa shaqyramyz.

2 - júrgizýshi:
Sońǵy sheshýshi 5 - kezeńde arýlarymyzdyń ártistik qabiletin, mánerlep oqý sheberligin tanyp bilemiz. Iaǵnı, kórkem shyǵarmadan úzindini jatqa oqý kerek.
1 – nómirli......

(Mánerlep oqyp bolǵan soń)
1 - júrgizýshi:
Árbir tilde sóıle álemdi tań qylyp,
Ana tilin bilmeý qandaı zańdylyq?!
Óser balań, baıtaq dalań turǵanda,
Qazaq tili jasaý kerek máńgilik!
Ádil - qazylar jeńimpazdy belgilegenshe, endigi kezek kórermenderge suraq qoıylady. Belsendilik tanytyp, suraqqa durys jaýap bergen oqýshy marapattalady. Birinshi suraq......

2 - júrgizýshi:
Qazylar ornyqtyrar ádildikti,
Kimderdiń jaýaptary kámil shyqty?
Bilim men tapqyrlyqtyń saıysynda
Jeńiske jeter deımiz naǵyz myqty.- degendeı baıqaýdy qorytyndylap, jeńimpazdy anyqtaý úshin ádil qazylarǵa sóz beremiz. Jáne búgingi «Ana tili arýyna» óz tájin kıgizýge mektebimizdiń 2010 jyly «Ana tili arýy» atanǵan 10 «A» synyp oqýshysy Ótebasova Móldirdi ortaǵa shaqyramyz.

1 - júrgizýshi:
- Qurmetti ustazdar men oqýshylar, Til merekesine oraılastyrylǵan «Ana tili arýy» atty baıqaýymyz óz máresine jetti. Til - ár ulttyń qaıtalanbas baılyǵy. Tilden artyq qazyna, tilden artyq qasıet joq ekenine taǵy da kóz jetkizdik. Otanymyz, elimiz, tilimiz kórkeıe bersin! Kelesi kezdeskenshe saý bolyńyzdar!