InfoHub Logo

Bir ańshy sońyna tazylaryn ertip, ań aýlap kele jatady. Buǵan kez bolyp qalǵan túlkiniń záresi zár túbine ketedi. Júrelep otyra qalyp:

         — Ia, báhtı-bóden, jolyńa batpan tary qudaıy, myna tazylardan qutqara gór! – dep, jalbarynady.

         Túlkiniń zaryn estigen bódene:

         — Aıtqanyńdy oryndaımyn, – dep, tazylardyń qarsy aldyna barady da jer baýyrlaı ushyp, ıtterdi teris jaqqa aldarqatyp áketedi.

         Aldy-artyna qaramaı zyta jónelgen túlki alysqa uzap ketedi. Tazylardyń qarasy úzildi-aý degen kezde, bir qalyń sheńgeldiń arasyna kelip tyǵylypty.

         Sol arada túlkiniń qasyna bódene jetip keledi.

         — Qane, taryńdy ber! – deıdi. Túlki endi bultaqqa salady.

         — E, esi joq báhtı-bóden, ákem dıqan bolmasa, sheshem dıqan bolmasa, saǵan batpan taryny qaıdan taýyp beremin?

         — Eı, sen ýádeńdi buzdyń ǵoı, – deıdi bódene narazy bolyp. Buǵan túlki de kónbeıdi.

         — Tórt aıaǵym – pyraq, eki kózim – shyraq, eki qulaǵym – saq, ózim qashyp qutyldym. Seniń ne daýyń bar, – deıdi.

         Túlki osylaısha maqtanyp turǵanda, jymı basqan tazy art jaǵynan kelip, tarpa bas salypty.

---