InfoHub Logo

Ertede túlki men qasqyr aıyrylmas dos bolypty. Bir kún ekeýi jortyp kele jatyp, jol ústinde jatqan bir kesek ettiń ústinen shyǵypty. Etti túlkiniń de, qasqyrdyń da jegisi keledi.

Qasqyr qasyndaǵy túlkige:

— Al, sen jeı ǵoı, dostym, – depti jol berip.

Túlki arsalańdaı kúlip:

— Meniń aýzym oraza ǵoı, dostym, bilmeýshi me ediń? Sen-aq jeı ber, – deıdi.

Qasqyr etti jemek bolyp, tumsyǵyn sozady. Endi shetinen tisteı bergende, moınyn qaqpan qaýyp alady. Et bir shetke ushyp túsedi. Túlki etti qaǵyp alyp, qylǵı salady.

Muny kórip turǵan qasqyr:

— Eı, dostym-aý, seniń aýzyń oraza emes pe edi? – dep suraıdy.

Túlki qylmyń qaǵyp:

— Meniń aýzymdaǵy oraza ashylyp, seniń moınyńa tústi ǵoı, – dep zyta jónelipti.

---