InfoHub Logo

Aqtaý qalasyndaǵy Nazarbaev zıatkerlik mektebiniń hımıa-bıologıalyq baǵyttaǵy 12-synyp oqýshysy Eset Sıdeshov «Smart-house» («Aqyldy úı») jobasyn jasap shyǵardy. Tutastaı joba quny 60 dollar, bul smart-tehnologıanyń shyndyqqa aınalǵanyna sendire túsedi.

Joba «Robot tehnıkasy» úıirmesinde onyń jetekshisi Baqytjan Muhammedpen birge jasaldy.

«Úıdi telefon nemese planshet arqyly basqarýǵa bolady, bul úshin androıd-gadjetke arnaıy baǵdarlama qurdym.  Adam esikke jaqyndap, «ashý» degen túımeni basady, gadjet komanda beredi, servomotor esikti ashady. Adam bólmege kirgende, qurylǵy-sensor iske qosylyp, jaryq jaǵylady. Meniń maketimde esik, tereze perdesi, jalúzı, jaryq avtomatty túrde jabylady, ashylady. Bul úshin qurylǵy-sensor ornatylǵan. Sondaı-aq kamera ornatyp, jumysta otyryp úıdi baqylaýǵa bolady. Jobany «Naýryz kezdesýine»,  barlyq QR-daǵy NZM arasyndaǵy ǵylymı jobalar baıqaýyna usynbaqpyn», - deıdi Eset.

Bul arzan, qoljetimdi jobany iske asyrýǵa bolady. Bir bólmege 20 myń teńge jetkilikti. Ol adam ómirin jeńildetip qoımaı, elektr energıasyn, adam kúshin únemdeıdi.

Mamyr sońynda, emtıhandardan keıin, shaǵyn nusqada jasalǵan jobany ol ómirde paıdalanatyndaı etip iske asyrýǵa nıetti.

---