InfoHub Logo

№42 jalpy bilim beretin mekteptiń
3 «v» synyp oqýshysy
Kóptileý Nurdáýlet
Jetekshisi: Satambaeva Elmıra

 

Ǵalym da, shahter da bas ıetin,

Ustazym barseniń qasıetiń.

Bilim bergen, oı bergen, aqyl bergen,

Kóz aldymnan ketpeıdi asyl beıneń,- demekshi, ustaz degende meniń kóz aldyma aıaýly ustazym Elmıra apaı elesteıdi. Óıtkeni Elmıra apaıymnyń mádenıettiligi, aıtqan aqyly, bergen bilimi bizdi jigerlendiredi. Qıalymyzǵa qanat bitirip, armanǵa jeteleıdi. Árdaıym da ustazdy syılaı bilý kerek. Óıtkeni barlyq adam balasy ustazdyń aldynan ótip bilim men tárbıe alady. Biz úshin muǵalim bárinen de qymbat, óıtkeni muǵalim – mekteptiń júregi. Muǵalim barlyq mamandyq ıesin tárbıeleıtin, oqytyp úıretetin meıirimdi, abzal jandar. Ybyraı Altynsarın atamyz aıtyp ketkendeı - dúnıedegi mamandyq ataýlynyń tóresi – ustazdyq. «Muǵalim mamandyǵy – barlyq mamandyqtyń anasy» demekshi, ustaz aldynan tárbıe almaıtyn jan joq. Ustaz bergen tárbıe árbir jannyń ómirine jol silter shamshyraq sekildi. Sondyqtan ulaǵatty ustazdarǵa búkil adam balasy qurmetpen bas ıedi. «Ustaz bolý – óz ýaqytyńdy aıamaý, ózgeniń ýaqytyn aıalaý» - dep fransýz oıshyly Jan Jak Rýsso aıtpaqshy, ustazdardyń eńbegi eren. Shákirt sanasyna bilim nárin seýip, el bolashaǵynyń órenderin tárbıelep shyǵarý - ekiniń biriniń qolynan kele de bermeıdi. Ustaz bolý – júrek jylýyn, meıirim shýaǵyn, adamgershilik ulylyǵyn balanyń boıyna darytý. Ustaz bolý – shákirtke ata-anasyndaı bolyp tárbıe syılaý. Al qazaqtan shyqqan qoǵam qaıratkeri, aǵartýshy-ǵalym Ahmet Baıtursynov «muǵalim – mekteptiń jany» dep baǵalaǵan. Osydan-aq, ustaz degen – uly esim ekenin talassyz ańǵarýǵa bolady. Sebebi, ustazǵa degen qurmet bárinen bıik turady.

---