InfoHub Logo

«Ár qashan kún sónbesin!»
Maqsaty:
Balalarǵa Uly Otan soǵysynyń mazmunyn áńgimelep, osy soǵysta erlik kórsetken batyrlardyń erlikterin, jyl saıyn jeńis kúniń mereıli merekesin búkil halyq toılap otyratynyn aıtyp, jeńis saltanatyn kóre almaı ketken bozdaqtardyń, búginde sany azaıyp qalǵan maıdangerdiń rýhyna bas ıe otyryp, balalardy otandy qorǵaýǵa, Uly Otan soǵysynyń batyrlarynyń erlik isterine taǵzym etýge, batyl da erjúrek bolýǵa úıretý. Elin, jerin jaýdan qorǵaı bilýge, eliniń patrıoty bolýǵa tárbıeleý.

Júrgizýshi:
Biriktirip úmiti men tilegin,
Biriktirip barlyq kúshin jigerin
Ana úshin, bala úshin, jer úshin
Jasqanbastan tosty oqqa júregin.

1941 — 1945 - jyldar aralyǵyndaǵy Uly Otan soǵysyna 35 mln adam, sonyń ishinde 1, 5 mln qazaqstandyq qatysty. Bul respýblıka halqynyń 18 ben 50 jas aralyǵyndaǵy eresekterdiń 70 paıyzy. Urystardyń alǵy shebinde Qazaqstannan jiberilgen 23 birlestik, 50 shaqty polktar men batalóndar shaıqasty. Qazaqstandyqtar Máskeý men Lenıngradty janyn qıa qorǵap, Ýkraına men Belarýs, Prıbaltıka men Moldovany azat etýge atsalysty, Berlın shabýylyna qatysty.
Ondaǵan myń qazaqstandyq eren eńbegi men erlikteri úshin marapattalsa, bes júzden astam adam Keńes Odaǵynyń Batyry atandy, tórt adam bul ataqqa eki márte ıe boldy, 142 adam Dańq ordeniniń tolyq jınaǵynyń ıegeri atandy.

Otan úshin mert bolǵandy tanyp, bil,
Olardy áste umytpaıdy dańqy eshqashanda óshpeıdi,
Batyrlardyń júregi ot bop jatyp tur!
Qara bultqa oranbasyn kún kókte,
Barlyq halyq beıbit ómir súrmek te,
Otanynyń baqyty úshin mert bolǵan,
Batyrlardy esińde usta, qurmette! – deı otyrtyp, Jeńis kúnine arnalǵan erteńgiligimizdi bastaımyz. Sol jaýyngerlerdiń maıdandaǵy keshki otyrysynyń kórisi.

Soǵys órship, qaıǵy muńnan arylyp, beıbitshilik ornaǵanyna 68 jyl.
Erlikterin máńgi umytpaı
Este saqtap júremiz.
Esimderin kóshe mektep
Ataýlarynan bilemiz.

Er esimin alyp júrgen
Jas túlekter qanshama.
Batyr aǵa – apalaryn
Tanystyryp barshaǵa.

Jeńis kúni qutty bolsyn,
Qutty bolsyn atalar!
Umytpaıdy eshqashanda
Jaýyngerdi balalar.

Mezgilsiz ólgen ardagerler
Uldar aıbyny,
Jelbire týlar
Tolyqsyp tursa
Maı gúli
Qýaný kerek!
Qýaný kerek desek te...
Umytý qıyn qaıǵyny.

Aǵaıyn týǵan bar adam
Adamdyq úshin jaralǵan
Bar elge qymbat týystyq
Baıandy bolsyn tynyshtyq.