InfoHub Logo

Taqyryby: Daryndylyq negizi – ata - ana
Jas urpaqty jan - jaqty jetilgen, aqyl - parasaty, oı - órisi bıik azamat etip tárbıeleý búgingi kúnniń ózekti máselesi.
Bala tárbıesiniń alǵashqy altyn qaǵazy – januıasy. Januıalyq tárbıe ata - ana men bala arasyndaǵy qarym - qatynastyq júıe. Ata - ana osy júıeni ǵylym men óner retinde jan - jaqty meńgerýi tıis.

Sondyqtan, muǵalim men ata - analardyń ózara qatynasy mindetteriniń eń negizgisi – psıhologıalyq, pedagogıkalyq bilimderin kóterý bolyp tabylady. Ata - anany pedagogıkalyq, psıhologıalyq seriktestikke shaqyrý joldary aldymen ata - analar jınalysy, konferensıalar, trenıńter, pikirtalas (dóńgelek ústel), saıystar, úılestirý keńesiniń sheshimderi t. b. sharalar arqyly júzege asyrýǵa bolady. Ata - analar jınalysyna ata - ananyń 50 paıyzy ǵana keledi.
1. Al, qalǵan ata - ana qaıda?
2. Olardy óz balalary, mektebi týraly pikirleri qandaı?
3. Olardy búgingi bilim mazmuny, zamanǵa saı bala boıyndaǵy erekshelikteri, muǵalimderdiń talap deńgeıi oılandyra ma?

Osy suraqtarǵa jaýap izdeýdi muǵalim ózinen bastap izdeýi kerek. Óıtkeni muǵalimniń qyzmeti balany oqytýmen shektelmeıdi, ár balaǵa bilim alý úshin psıhologıalyq, pedagogıkalyq múmkindikterdi týǵyzyp, ózin - ózi damytýǵa, tárbıeleýge jaǵdaı jasaýymyz qajet.
Mundaı jaǵdaıda oqýshynyń bilim deńgeıin ǵana emes, otbasylyq jaı - kúıin, ata - anasynyń psıhologıalyq ereksheligin, balasyna kózqarasyn tereń bilip alý qajet.

Ata - ana ár túrli, olardyń mektepke degen kózqarasy da ár túrli, sondyqtan da búgingi kúni ár synypta «Otbasylyq – psıhologıalyq tanym» sabaqtaryn júrgizý qajet. Bul jumysta tek synyp jetekshi ǵana emes mektep psıhologtary, pán muǵalimi jáne áleýmettik pedagog tálimgerler jumyldyrýy tıis.

Bul úshin eń aldymen ata - ananyń ózin - ózi tanýyna baǵyttalǵan trenıńter, ózine balasynyń kózqarasyn bildiretin testiler júrgizilýi tıis. Alǵashqy sabaqtar túsinik – tanymyn keńeıtý retinde júrgizilýi tıis, óıtkeni árbir ata - ana ózi jáne balasy týraly joǵary pikirde bolady.
Bul rette psıhologtardyń kómegi qajet bolady.

Synyp jetekshi, ata - ana men oqýshylardyń qatysýymen ótkizilgen;
1. «Daryndy balalar jáne olardyń ata - analary» atty pedagogıkalyq keńes ótkizip, muǵalimge de, ata - anaǵa da osy baǵyttaǵy jumysta psıhologıalyq kómek qajet ekenin túsindirý. Psıhologtar osy turǵyda ata - analarǵa balany kúshpen oqytpaı, oılaý qabiletin arttyrý jáne olardyń boıynda erekshelik, daryndylyq, tanymdyq qasıetin bar ekenin aıtyp, osy tanymdyq úrdisti ashý úshin oılaý, sóıleý, shattaný, seziný qabiletterin ár túrli oıyn, tapsyrmalar arqyly bolatynyn, ony qarapaıym mysaldarmen dáleldep kóz jetkizýge bolatynyn túsindirý.

Mysaly: a) saýsaqpen jumys (ár túrli aspapta oınaý, qol óner buıymdaryn daıyndaý, usaq monshaqtarmen áshekeı buıymdaryn jasaý).
á) pıanıno oıyny, ıaǵnı balanyń saýsaqtarynyń ushyndaǵy núktelerdi qozǵaý arqyly mı talshyqtaryna, túısikterine áser etý negizinde balanyń damý qabileti kúsheıedi, jazý kallıgrafıasy túzeledi.
b) qazaq halqynyń ár túrli ulttyq oıyndary arqyly balanyń oılaý qabiletimen qosa dene symbatynyń qalyptasýyna áser etedi. Sabaqty daıyn kúıinde, jattandy kúıde almaı, keshegiden búginge deıin, búgingiden erteńge deıin jetkizý – bizdiń maqsatymyz ekenin ata - analarǵa jetkiziledi.