Árbir mınıstrlik 20 myń grant boıynsha naqty usynys berýi tıis - Erlan Saǵadıev
Árbir mınıstrlik 20 myń grant boıynsha naqty usynys berýi tıis. Bul týraly búgin Úkimet otyrysynda Prezıdenttiń 5 áleýmettik bastamasyn júzege asyrý jol kartasyna oraı baıandama jasaǵan QR Bilim jáne ǵylym mınıstri Erlan Saǵadıev aıtty.
«Jol kartasy boıynsha qosymsha oqý granttaryna qatysty usynystarymyz tıisti qaýly jobasy retinde mınıstrlikterge, «Atameken» UKP-ge jáne joǵary oqý oryndaryna jiberildi. Endi olardyń usynystaryn kútip otyrmyz. Sol jobaǵa sáıkes 11 myń grant tehnıkalyq mamandyqqa, 5 myń grant basqa mamandyqtarǵa, 3 myń grant magıstratýraǵa jáne 1 myń PhD baǵyttaryna bólindi», - dedi mınıstr.
Osy rette ol Ulttyq biryńǵaı testileýge ýaqyttyń az qalǵanyn aıtyp, qaı mamandyqqa qansha grant bólinetindigin, qaı mamandyqqa básekelestik basym ekendigin bilý mańyzdy ekendigin basa aıtty.
«Bizdiń oıymyzsha, osy granttardyń sany mamandyq boıynsha aldyn ala barlyq mınıstrlikpen kelisip, joba retinde bir aıdyń ishinde jarıalanýy qajet. Halyq muny kútip otyr. Sosyn búdjettik prosester búdjettik zańǵa ózgerister, normatıvtik aktiler, onyń bári tıisti ýaqytymen bolady. Sonymen ár mınıstrlik osy 20 myń grant týraly naqty usynysty 1 jetiniń ishinde tapsyrýy qajet. Sondaı tapsyrma berýińizdi suraımyz», - dedi Erlan Saǵadıev Úkimet basshysy Baqytjan Saǵyntaevqa qarata.
QazAqparat
You Might Also Like
-
Chehıada joǵarǵy bilim alý jergilikti turǵyndarǵa da, sheteldikterge de tegin. Memlekettik joǵarǵy oqý oryndary memleket tarapynan qarjylandyrylady jáne jaldaýdan, tamaqtanýdan jáne jeke qajettilikte...
-
... — Assalaýmaǵaleıkým, aǵa, dep qosarlana jamyraı shyqqan daýysqa burylǵanda, oń jaq búıininde tórt-bes qadam jerde turǵan úsh jigitti kórdi. Sálemdi ala bere álgilerdiń júzine tańyrqa...
