InfoHub Logo

Asan qaıǵynyń Abat degen bir balasy bolypty. Ol óte batyr, er jáne keń kórinedi. Bul oraq, Mamaılarmen birge talaı soǵysqa qatynasqan eken. Bul óte keń bolypty. Jurt «Abat keń» dep shýlasypty. Sol ýaqyttaǵy han onyń keńdigin synaıyn dep Abatty bir jaqqa jumsaıdy. Bunyń bir sulý áıeli bolady eken. Sol áıeldi ol óte jaqsy kóredi. Abat keler kezde áıeliniń qasyna eki qul jatqyzypty, ekeýin eki jaǵyna jáne ekeýiniń eki qolyn áıeldiń astyna saldyrtypty.

Abat keledi, kelse, áıeliniń qasynda eki qul jatyr. Bir-bir qoldary áıeliniń astynda. Bul ekeýiniń eki qolyn áıeliniń astynan alyp: «Bulaı jata ma eken?» dep, ústine salǵan eken deıdi. Sóıtip, onyń naǵyz keń ekenin bilipti. Asanqaıǵy osy balasymen bir jaqqa kóship bara jatsa, álgi Abat ólipti. Sonda sol jerde kóp aýyl bar eken.

Asanqaıǵy sol aýylǵa: «tań atqansha úı basyna bir-bir kirpish daıarlasyn» depti. Tań atqasyn daıar bolypty. Sonymen ony tam salyp, qoıypty. Onyń molasy Keles ózeniniń boıynda bar eken deıdi.

---