InfoHub Logo

Ózińdi qolǵa alyp, óz-ózińmen kelisim jasap jáne mólshermen tamaqtanýdy bastaýǵa bola ma?

Biz ózimizge bir tátti nanmen nemese bir toqashpen shektelemin degen ýádeni jıi beremiz, alaıda sózimizde tura almaımyz ba? Ózińdi qolǵa alyp, óz-ózińmen kelisim jasap jáne mólshermen tamaqtanýdy bastaýǵa bola ma?

Árıne, bolady! Mine, ashtyqty jeńýdiń jáne tamaqty az mólsherde qabyldaýdyń eń qolaıly tásilderi.

Sizge ol ne úshin qajet ekenin túsinińiz

Eger sizdiń rasıonyńyzda bári, as máziriniń quramy jáne porsıanyń mólsherimen qosa, óz kóńilińizden shyǵatyn bolsa, onda ózińizdi az mólsherde tamaqtanýǵa kóndirý eshqashan qolyńyzdan kelmeıdi. Jańa daǵdy «sińip ketýi» úshin, siz, jalpy munyń bári ne úshin qajet ekenin túsinýińiz qajet.

Jeıtin taǵamyńyzdyń kólemin azaıtqan kezde jylyna 10 kılogrammǵa deıin tastaýǵa bolady. Jáne de bul eshqandaı shekteýlersiz – tek tańǵy, túski jáne keshki asyńyzdyń mólsherin azaıtyńyz. 

Symbatty tulǵa, jyldam zat almasý, artyq tamaqtanýdan bostandyq (siz ólshemsiz keńeıe beretin asqazanmen qoshtasasyz) jáne deneńizde únemi jeńildik – mine, bul taǵamǵa degen óziniń kózqarasyn ózgertip, az mólsherde tamaqtanýdy bastaıtyndardy kútip turǵan janǵa jaǵymdy bonýstardyń birnesheýi ǵana.

Dárýmender kóbirek, táttiler azyraq

Ózińdi azyraq jeýge úıretý – sonshalyqty qıyn tapsyrma emes, mysaly, tátti jemeý jáne múldem bas tartý tárizdi. Quramynda qant bar ónimderdi jeýdi doǵarǵan kezde, sizdiń deneńizde aıtarlyqtaı ózgerister bolady.

Óıtkeni, dál osy táttiler, kóbinese bizdiń taǵamǵa táýeldiligimizge jaýapty bolady. Qant kózderi esirtki tárizdi áser etetindikten (desertten keıin siz taǵy da tátti birdeńe jegińiz keletin shyǵar), olar artyq tamaqtanýǵa jáne tamaq mólsheriniń kóbeıýine ákeledi.

Rasıonyńyzdaǵy qantty kóp mólsherdegi jemister men kókónisterge almastyryńyz. Kóp keshikpeı, siz táttiniń ekinshi jáne úshinshi porsıasyn jegińiz kelmeı qalǵanyn baıqaısyz.

Rasıonyńyzdy qadaǵalańyz

Eger siz ózińizdiń álsiz jerińizdi bilseńiz jáne onymen kúresetin bolsańyz, onda «jeýge bolmaıtyn» taǵamdardy kórgende shydap turý áldeqaıda ońaı bolady. Bir qalaqsha balmuzdaqtan keıin toqtaı almaısyz ba? Onda tońazytqyshta múlde balmuzdaq turmaıtyndaı bolsyn. Qytyrlaq kartop qaltasymen kıno kórgendi unatasyz ba? Olardy satyp alýdy toqtatyńyz. 

Ózińizdi ózińiz jeńe alatyndyǵyńyzǵa senimdi bolǵanǵa deıin osyndaı qatań tásilder sizge daǵdy qalyptastyrýǵa kómektesedi. Tamaqtaný kúndeligin júrgizińiz: kóptegen adamdar úshin bul ózi jegen taǵamnyń mólsherin kózbe-kóz baqylap otyrýdyń jáne neni artyq jegeni men qandaı sátte der kezinde toqtaý kerek ekeni jaıynda sáıkesinshe tujyrym jasaýdyń eń ońaı tásili.

Eshqandaı alańdatpa faktorlarynsyz

Biz eshqashan ózimizdi azyraq jeýge úırete almaımyz, eger tamaq ishýdi alańdatpa áreketterden bólip ala almasaq. Bul jerde sóz tańǵy as kezinde áleýmettik jelidegi aqparat taspasyn kórý, jumys ústelinde asyǵys túski as ishý jáne kıno kórip otyryp keshki as ishý jaıynda bolyp otyr.

Meıramhanadaǵy merekelik dastarhan ne bolmasa dostaryńmen bolǵan kóńildi kesh kezinde qalaı tym artyq tamaqtanatyndyǵymyz jaıynda múlde aıtpaı-aq qoısaq ta bolady – siz ony ózińiz de jaqsy bilesiz.

Joq degende bir ret kóńil kóterý úshin emes, as ishý úshin tamaqtanyp kórińiz – tolyqtaı tynyshtyqta jáne múlde jalǵyz, barlyq gadjetterdi alysyraq ıterip qoıyp. Tamaqtanyp bolǵan soń, ydysty jýyp, óz jumystaryńyzdy jalǵastyryńyz.

Asyqpaı jáne azyraq

Paıdaly taǵamdarmen tamaqtanýdyń altyn erejesin eki sózben ǵana jetkizýge bolady – asyqpaı jáne azyraq. Óz porsıańdy azaıtý jáne ashtyqty aldaý úshin sizge asyqpaı tamaqtaný jáne kishkentaı tárelke qoldaný qajet.

Adam balasy is júzinde óziniń tárelkesine salynǵannyń bárin jeıdi (dálirek aıtqanda – tamaqtyń shamamen 90%-yn). Sondyqtan ydys sizge laıyqty porsıaǵa kóshýge múmkindik beredi.

Tamaqty artyq daıyndamaýdy qolǵa alyp kórińiz: eger ústeme tamaq bolmaıtyn bolsa, sizdiń artyq tamaq jeýińiz de ekitalaı. Al eń qarapaıym keshki astan keıin de ash qalmaý úshin, tamaqty muqıat shaınańyz jáne eshqaıda asyqpańyz.

Kúızelis pen zerigýdi ajyratyp úırenińiz

Jaǵymsyz emosıalardy sezingende, qolaısyz jaǵdaılardy bastan ótkergende, kóńilsizdik basqanyna alańdaǵanda nemese, kerisinshe kóńilsizdikten zardap shekkende, janyńyzdy qanaǵattandyrý men jeńildetýdiń qoljetimdi kózi retinde biz kóbinese taǵamǵa bas qoıamyz.

Eger siz ózińizdi artyq tamaq jeýge azǵyratyn osyǵan uqsas belgilerdi anyqtap úırenseńiz, sizge tipten ózińizdi azyraq jeýge kóndirýdiń qajeti de bolmaıdy. Siz shyn máninde ózińizdiń ashyǵyp turmaǵanyńyzdy baıqaǵannan keıin, mundaı jaısyzdyqtyń shynaıy sebebin taba alasyz.

Óz bıligińizdi ózińizge júrgizýge mashyqtanyńyz jáne tynyǵý men kóńildenýdiń basqa da tásilderin izdeýdi úırenińiz. Óıtkeni biz tamaq ishý úshin ómir súrmeımiz, ómir súrý úshin tamaqtanamyz.

---