InfoHub Logo

Maǵjan Jumabaev Soltústik Qazaqstan oblysy Býlaev aýdany «Molodójnyı» keńsharynda týǵan. Alǵash bilimdi aýyl moldasynan, mektep muǵaliminen, sodan keıin Ýfadaǵy «Ǵalıa» medresesinen alǵan. Ombydaǵy muǵalimder semınarıasyn, Máskeýdegi ádebı kórkem ınstıtýtyn bitirip, Tashkentte, Qyzyljarda ustazdyq qyzmet atqarǵan. Maǵjannyń shyǵarmashylyq joly aqyndyqtan bastalǵan. Ol halyq, jer týraly jyrlady. Maǵjan atamyzdyń «Jazǵy tań», «Qazaǵym», «Óner-bilim qaıtse tabylar?» atty óleńderi jastardy tárbıelikke shaqyrady. Atamyzdyń bulardan basqa da nadandyqpen kúresý, jastardy tárbıelikke shaqyrý, azattyq jolynda kúresý týraly kóptegen óleńderi bar. Solardyń ishinen Maǵjan atamyzdyń Qazaq tili óleńine toqtala keteıik:

«Kúsh kemidi, aıbyndy tý qulady,

Keshe batyr-búgin qorqaq buǵady

Erikke umtylǵan ushqyr jany kisende,

Qan sýynǵan, júrek solǵyn soǵady.»-dep Maǵjan atamyz jastardy tárbıelikke, bilimdilikke shaqyrǵan. Bul óleń joldarynan asyl da altyn sózdi Maǵjan atamyzdyń tereń oıyn túsinýge bolady. Al onyń shyǵarmalarynda tabıǵatqa degen qushtarlyq, ómirge degen kózqarasy tereń tanylǵan.

  Aqynnyń «Batyr Baıan», «Ertegi», «Qorqyt», «Júsiphan» atty poemalarynda halyqtyń tarıhy, taǵdyry men jeke tulǵalardyǵ is-áreketteri sýretteledi.

  Maǵjan Jumabaev Qazaqstandyq pedagogıka ǵylymynyń bastaýynda turǵan. Ol gazetter men jýrnaldarǵa kóptegen maqalalar jazyp, birqatar oqýlyqtar daıyndady. Oqý-aǵartý salasynda eńbek ete júrip, «Pedagogıka», «Bastaýysh mekteptegi ana tilin oqytý jaıly», «Tartý», «Álippe», «Oqý-jazýǵa úıretý» t.b. týyndylaryn jarıalady.

  Maǵjan bala ómirin, qıal qanatyn tereń túsinetin. Olarǵa arnalǵan shyǵarmalaryn jeńil jáne tartymdy baıandaǵan.

 Aqynnyń myna bir óleń joldarynda Maǵjan atamyzdyń jastarǵa degen keremet kózqarasy baıandalǵan:

«Arystandaı aıbatty,

Jolbarystaı qaıratty-

Qyrandaı kúshti qaıratty-

Men jastarǵa senemin!»

  Aqynnyń bul óleń joldarynda Maǵjannyń jastarǵa degen senimdiligi men kózqarasy, sezimi tereń baıandalǵan. Bul óleń joldary jastarǵa kúsh-jiger berip, eline, jerine degen sezimin oıatady dep oılaımyn!

Biz Qazaq halqy Maǵjan Jumabaev sıaqty dana aqynymyzdyń bolǵanyna qýanýymyz jáne qurmet tuta bilýimiz kerek dep oılaımyn!

7 synyp oqýshysy İńkárqyzy Jansaıa

---