InfoHub Logo

Kedeılik pen Baılyq bir kisige kelip:

— Ekeýmizdiń qaısymyz tartymdymyz, — dep surapty.

Bul suraqtan álgi kisi abyrjyp oıǵa qalypty: «Kedeılikti tartymdyraq desem, Baılyq ashýlanyp maǵan qolyn bir-aq silteıdi», al Baılyqty tartymdy deıin desem, Kedeılikti renjitip alam, ol sosyn meniń zyqymdy shyǵarady ǵoı».

Az-kem oılanyp, bylaı depti:

— Ekeýiń tap osylaı qatarlasyp tik turǵanda men eshteńe aıta almaımyn. Qane, júris-turystaryńdy kóreıin, bir aınalyp ótińdershi.  

Kedeılik pen Baılyq ersili-qarsyly júre bastapty.

Olarǵa qarap turyp adamnyń aıtqany:

— Kedeılik sen ketip bara jatqanda, tý syrtyńnan qarasam, qandaı tamashasyń. Al Baılyq, sen kelgende... ózińnen asatyn ne bar!?

Búgin Baılyq esigimizdi kelip qaǵyp turǵan kún, oǵan esikterińdi aıqara ashyńdar da, Kedeılik pen tarshylyqqa qol bulǵap qosh aıtysyńdar. 

---