InfoHub Logo

Ata-anaǵa jaqsylyq jasaý, olardy zıan men qıyndyqtardan qorǵaý — paryz. Adam áke-sheshesine jyly júzben, meıirimmen qarasa, Allahý ta’ala oǵan raqymdylyq kózimen qaraıdy. Ata-anasynyń rızalyǵyn alǵan adamǵa jumaqta eki esik ashylady. Olarǵa qarsy shyqqan balanyń kúnáhar qaraqshydan aıyrmashylyǵy joq.

Balanyń óskennen keıin ata-anasyn renjitýi, qıyndyqqa dýshar etýi Allahý ta’alanyń azabyna sebep bolady. Ata-ana men kúıeýiniń kúnáǵa aparatyn buıryqtaryna baǵyný durys emes. Biraq, eshqashan, eshqandaı sebeppen ata-anaǵa qatty, dóreki sóıleýge bolmaıdy. Ata-anasy kúná istegen adam bir ret nasıhat aıtady, olar qabyldamasa úndemeıdi. Olar úshin duǵa etip, ıstıǵfar oqıdy (keshirim tileıdi).

Ata-ananyń qatańdyǵyna sabyr etken jón. Ata-anaǵa, qaıynata men enege qurmet pen qyzmet etý birinshi mindet bolý kerek. Ata-ana men jaqyn týystarǵa baryp turý kerek. Olarmen ara-qatynasty úzipqoıý kúná bolady. Olardyń kóńilin surap, kómek berip turǵan jaqsy. Olardyń reti mynadaı:

Aldymen ana, áke, bala, ata, áje, baýyr, kóke, qyzapa, naǵashy aǵa jáne naǵashy ápke. Olardan keıin olardyń balalary, odan keıin neke arqyly týys bolǵandar, eń sońynda kórshiler. Qaıtys bolǵandarǵa duǵa etip, Allahtan keshirim suraý kerek, qaıyrly ister istep, saýabyn olardyń rýhtaryna baǵyshtaý qajet.

---