InfoHub Logo

Keıde ata-analardan «Ózińizdiń qandaı ata-ana ekenińizdi bilgińiz kele me?», «Balańyzǵa qandaı tárbıe berip jatqanyńyzdy kórgińiz kele me?» degen suraqtardy jıi qoıamyn. Ata-analar bir aýyzdan «ıá» dep jaýap berip, maǵan tesile qaraıdy. «Jaqsy onda, kázir men sizderge bir sıqyrly aına taratamyn» deımin olarǵa. Meniń sizge usynyp otyrǵan sıqyrly aınamdy syrttan kútpeńiz. Sizdiń qandaı ata-ana eknińizdi kórsetetin «sıqyrly aına», ol sizdiń úıińizde. Ol — sizdiń balańyz. Bala aına sekildi. Sizge sizdi kórsetedi. Ózińizdiń qandaı ata-ana ekenińizdi, balańyzǵa qandaı tárbıe berip júrgenińizdi kórgińiz kelse onda balańyzdyń oıyn sátin tamashalańyz. Mysaly, siz kóp urysatyn, aıǵaılaı beretin ana/áke bolsańyz, balańyz da oıynshyqtaryna urysyp oınaıdy. Al qazirgi balalar kóbine telefonmen sóılesip oınaıdy nemese telefon arqyly sýretke túsip, selfıletip júredi. Namazhan otbasyda ósip jatqan balalarǵa qarasańyz, namaz oqyǵan bolyp, áke-sheshesiniń áreketterin qaıtalap júrgenine kýá bolasyz.

Bala úshin oıyn úrdisi óte mańyzdy bolyp esepteledi. Negizinde, balalar úlkenderden kórgen áreketteri men estigen sózderin qaıtalaıdy. Sondyqtan pedagogtar men psıhologtar balaǵa baılanysty qandaı da bir zertteý jasaǵan kezde olardy oıyn sátinde zertteıdi.

Sıqyrly aınaǵa qaraǵan kezde keıde balańyzdyń boıyna sińirgen jaqsy qasıetterine kýá bolyp rıza bolsańyz, keıde sizden juqqan jaǵymsyz áreketterdibaıqap kóńilińiz túsedi. Eń bastysy, ózińizdiń tárbıe júıeńizge taldaý jasap, ony jaqsarta túsýińiz úshin taptyrmas múmkindik bolady. Sıqyrly aınadan kórgen nárselerińiz sizge unamasa da oǵan qaraýdan bas tartpańyz. Keminde aptsyna ber ret qaraýdy usynamyn.

---