InfoHub Logo

Mysyr perǵaýyndarynyń biriniń shirimegen denesi Londondaǵy Brıtısh Murajaıyna qoıylǵan. 3000 jyl buryn ólgen bul perǵaýynnyń denesi mýmıalanǵan emes. Álemge ǵıbrat bolý úshin mýmıasyz kúıde saqtalǵan. Ǵıbrat berýshi qujat retinde denesi múldem buzylmaǵan, etteri shirimegen jáne qyldary da tógilmegen kúıde jáne sájde etken túrde tabylǵan. Óıtkeni perǵaýyn ólerinde sájdege jyǵylǵan edi. Quran kárimde bylaı deıdi:

«Israıl uldaryn teńizdi qaq bólip ótkizdik. Perǵaýynnyń áskeri zulymdyq etý úshin olardyń (jarylǵan teńizde) artynan keldi. Perǵaýyn teńizde tunshyqqanynda «Israıluldary sengen Allahtan basqa táńirdiń joqtyǵyna ıman ettim, men de musylman boldym» dedi. Oǵan «endi sendiń be, budan buryn qarsy shyǵýshy, qyryp-joıýshy ediń» delindi. (Teńizge tunshyqqan perǵaýynǵa Allahý ta’ala bylaı buıyrdy:) Senen keıingilerge ǵıbrat bolý úshin búgin seniń (teńizdegi) deneńdi (shiritpeı) shyǵaryp (jaǵaǵa) tastaımyz. Áıtse de adamdardyń kóbi aıattarymyzdan ǵapyl». (Iýnýs súresi 90-92 aıat)

Perǵaýyn Musa aleıhıssalamnyń mýǵjızalaryn kórgende qoryqty. Musa aleıhıssalammen oǵan sengenderdiń Mysyrdan ketýine ruqsat berdi. Keıin perǵaýyn ruqsat bergenine ókinip áskerimen arttarynan qýdy. Teńizden joldar ashylyp Musa aleıhıssalammen Israıluldary teńizge kirdi. Artyna túsken perǵaýynmen áskeri Qyzylteńizdiń Sýeısh bóligine kelgeninde teńiz jabylyp tunshyǵa bastady. Bul jaǵdaıǵa túsken perǵaýyn dereý sájdege jyǵylyp ıman ettim degenimen tunshyǵyp áskerimen birge óldi.

Perǵaýynnyń jansyz denesi qanshama ǵasyr teńizde bolǵanymen, Allahý ta’alanyń qudiretimen shirimedi. Aıatta bildirilgenindeı denesi 3000 jyldan keıin jaǵaǵa shyqty. Tabylǵan denesi Anglıaǵa jóneltildi.

---