InfoHub Logo

Nátıjeli jumyspen qamtý baǵdarlamasy aıasynda Atyraýda qandaı mamandyqtardyń tegin oqytylatyny aıtyldy.

Usynylatyn tıptik mamandyqtardyń arasynda dánekerleýshi, aspaz, júrgizýshi, shashtaraz, aǵash óńdeýshi, tiginshiler, sondaı-aq balyq óndirisi, avtomobıl jolyn salý, temirjol salý, avtomattaý jáne basqarý, aqparattyq tehnologıalar, fermerlik sharýashylyq, veterenarıa, agronomıa, jer qatynastary, qurylys, sút ónimderin óndirý salalary bar. Oblysqa eń qajetti mamandyqtar áli de naqtylanady.  Bul týraly  Atyraý oblysynyń ákiminiń baspasóz qyzmeti habarlady.

^{Sýrette: Atyraýdaǵy balyq ósirýmen aınalysatyn zaýyttyń mamany.}  

Tehnıkalyq jáne kásiptik bilim 4247 adamǵa tegin berilmek. Bulardyń 250-i respýblıkalyq búdjetten, 3997-i jergilikti búdjetten oqytylady.

500  adamǵa  qysqa merzimdi kýrsar uıymdastyrylady. Olardyń uzaqtyǵy 1 aıdan 6 aıǵa deıin.

Bilim alýshylar kúnine bir ret tegin tamaqtanady, oqý ordasyna baryp kelý jolynyń aqshasy jáne shákirtaqy tólenedi.

Qysqa merzimdi kýrstar sáýir aıynan bastalady. Oǵan jazylý úshin turǵylyqty meken-jaıyńyzǵa baılanysty Jumyspen qamtý ortalyǵyna habarlasý qajet. Qajetti qujattar: tólqujat, bilim týraly qujat, eńbek kitapshasy.

3 jyldyq kásiptik oqýǵa túsý úshin jergilikti kolejderge habarlasý kerek Baǵdarlama aıasynda bilim beretin kolejderdiń tizimi naqtylanyp jatyr.

Aıta ketelik, keshe Atyraý oblysyna jumys saparymen kelgen Tamara Dúısenovamen kezdesý kezinde oblys ákimi Nurlan Noǵaev turǵyndardy naryqqa qajetti mamandyqtardy ıgerýge shaqyrǵan edi.

---