InfoHub Logo

Avstrıa — kemeńger ǵalymdar men áıgili kompozıtorlardyń, daryndy sýretshiler men ádebıetshilerdiń otany ǵana emes, bul baı mádenı dástúrleri zamanaýı tehnologıalarmen astasyp jatqan eń kóne eýropalyq ýnıversıtetterdiń otany. Avstrıada oqýǵa TMD elderiniń abıtýrentteri erekshe qyzyǵýshylyq tanytady. Óıtkeni bul ýnıversıtetke túsý jeńildetilgen tártippen júrgiziletin eýropalyq az elderdiń biri. Avstrıadaǵy JOO-aldy daıyndyq bólimderine mektepten keıin, nemis tilin bilmese de birden túsýge bolady. Daıyndyq bóliminde oqyǵandar stýdent mártebesin alady da, ýnıversıtet usynǵan stýdenttik jeńildikterdi belsendi túrde qoldanýǵa, ártúrli tildik kýrstar men sport seksıalaryn qatysýǵa múmkindik alady. Avstrıa ýnıversıtetine kez-kelgen jasta túsýge bolady. Germanıa men Shveısarıa ýnıversıtetterinen aıyrmashylyǵy, Avstrıa joǵary oqý oryndary mektep atestatynyń ótý upaıy negizinde baǵalaý konkýrsyn ótkizbeıdi. Avstrıadaǵy joǵary oqý ornyna túsýge sheshim qabyldaǵandar úshin taǵy bir jaǵymdy jańalyq shekteýli oryndar men qabyldaý synaqtarynyń (shyǵarmashylyq mamandar, psıhologıa, medısına, ekonomıkadan basqa) bolmaýy. Sonymen qatar avstrıalyq JOO-daǵy bir semestr oqýdyń quny 360-720 evro.

Avstrıada bilim alý kelesi múmkindikterge jol ashady:

- Salystyrmaly túrde az aqshaǵa sapaly joǵary, ekinshi joǵary nemese dıplom aldy bilim alý

- Eýropalyq fırmalarda oqý tájirıbesinen ótý

- Halyqaralyq úlgidegi bedeldi dıplom alý

- Eýropada esh kedergisiz jáne arzan saıahat jasaý

- Teatrǵa, kınoǵa, kórmelerge jáne t.b. jerlerge barǵan kezde stýdenttik jeńildikterdi paıdalaný

- Oqýdy ártúrli belsendi demalystarmen qatar alyp júrý

- Óz betinshe aqsha tabý – Avstrıadaǵy stýdentterdiń jumys istep, aqsha tabýǵa quqylary bar

Keıbir aǵylshyn tildi baǵdarlamalardan basqa avstrıalyq ýnıversıtetterdegi barlyq sabaqtar nemis tilinde ótedi.

Nemis tili boıynsha bilimi ýnıversıtettiń talap etetin (V2-S1) deńgeıine jetken kezde, stýdent mamandyǵy boıynsha bilim alýdy bastaı alady.

Avstrıalyq JOO dıplomdary Eýropada da, otandyq eńbek naryǵynda da qajet. Shetelde turý jáne nemisshe sóıleý tilin bilýińiz elińizdegi mansap jolyndaǵy múmkindikterińizdi birneshe ese arttyratynyn senimdi bolyńyz. Eger túlek ýnıversıtetti aıaqtaǵannan keıin Avstrıada qalyp, jumys isteımin dep sheshse, onda oǵan jumys izdeý úshin jarty jyldyq merzimge vıza beriledi. Jumys tabylǵannan keıin Qyzyl-Aq-Qyzyl kartany – jumys isteý quqymen beriletin yqtıar hat alý ǵana qalady. Avstrıa JOO-da oqý júıesi otandyq oqý júıesinen ózgeshe bolady. Munda sýdentter bir semestrdegi oqý josparyn ózderi jasaıdy jáne ózderi barǵysy keletin nemese ýaqytyna sáıkes keletin dáristerdi ǵana tańdaıdy. Óıtkeni stýdentterdiń kópshiligi oqý men jumysty qatar alyp júredi. Bul júıeniń kóptegen artyqshylyqtary bar. Alaıda oqý semestriniń durys josparlanbaýy saldarynan bilim alý uzaqqa sozylyp ketýi múmkin.

---