InfoHub Logo

Qazaqstanda balabaqshalarǵa arnalǵan jańa sanıtarlyq normalar men erejeler engiziledi. Búgin Májilistegi Úkimet saǵatynda QR Bilim jáne ǵylym mınıstri Erlan Saǵadıev osylaı málim etti.

«Balabaqshalarda kezektilikti tártipke keltirý qajet, sondaı-aq sybaılas jemqorlyqqa ıtermeleıtin jaǵdaılarǵa tosqaýyl qoıý qajet. Ol úshin barlyq kezekterdi respýblıkalyq bir tizbekke biriktirýdi josparlap otyrmyz jáne elektrondy úkimet deńgeıinde balabaqshaǵa joldama berýdi avtomattandyrý eskerilip otyr», - dedi mınıstr.

Osy oraıda ol bul máselede búginde óńirlerde jaǵdaı bir qalypta emes ekenin jetkizdi.

«Negizinde, «Balapan» baǵdarlamasynyń qarajatyn (balabaqsha qyzmetteri úshin tólenetin - avtor) baǵyttaý quqyǵyn ata-analarǵa bergen jón. Olar úzdik uıymdardy ózderi tańdap, memlekettik tapsyrysty sol jaqqa baǵyttaýy qajet. Bul turǵyda jekemenshik pe nemese memlekettik balabaqsha ma - mańyzdy emes», - dedi Saǵadıev.

Mınıstrdiń sózine qaraǵanda, alǵa qoıylǵan mindetter kúrdeli bolǵanymen, jarty nemese bir jylda oryndaýǵa múmkindik bar.

«Sonda barlyǵy ádiletti ári ashyq bolady. Bizde tórt joba qanatqaqty rejimde Astana, Qaraǵandy, Almaty jáne Qostanaıdy ákimdikterinde engizilýde», - dedi ol.

---