Oqýshylarǵa demalys kúnderine úı tapsyrmasy berilmeıdi - Saǵadıev
Mektep oqýshylaryna demalys kúnderge úı tapsyrmasy berilmeıdi. Búgin Májilistegi Úkimet saǵatynda QR Bilim jáne ǵylym mınıstri Erlan Saǵadıev osylaı málim etti.
«Bizdiń oqýshylar úı jumysyn oryndaý ýaqyty boıynsha 65 memleket ishinde tórtinshi oryn alyp tur. Halyqaralyq zertteýge sáıkes, birqatar memleketterde, sonyń arasynda Qazaqstan úı tapsyrmalarynyń kólemi men bilim jetistikteri arasyndaǵy týra araqatynas joqtyǵyn kórsetedi. Oqytý úderis durys jolǵa qoıǵan jaǵdaıda úı jumysyn azaıtýǵa bolady jáne azaıtý kerek. Munymen barlyǵy kelisip otyr», - dedi mınıstr.
Osy oraıda Saǵadıev bul máselemen muǵalimder men mamandardan quralǵan eki úlken top aınalysqanyn atap ótti.
«Bul jerde eki nusqa usynylady. Bul rette úı jumysyn barlyq pánder boıynsha azaıtyp berý nemese tapsyrmalarda tek keıbir pánderdi ǵana qamtý eskerilýde. Eki jaǵdaıda da úı jumysyn oryndaý ýaqyty kúnine orta eseppen bir saǵatqa azaıyp, demalys kúnderi berilmeıdi. Búginde bul másele pedagogter men ata-analardyń jappaı talqylaýyna usynyldy», - dedi mınıstr.
You Might Also Like
-
Memleket basshysynyń úshinshi jańǵyrýǵa arnalǵan bıylǵy Joldaýy aıasynda jýrnalıs mamandardyń ekonomıkalyq bilimin kúsheıtý kerek, dep málim etti QR Bilim jáne ǵylym mınıstri Erlan Saǵadıev. Bul týraly...
