InfoHub Logo

 Qoǵam ózgerdi degendi jıi aıtamyz. Shynynda, qazir azamattardyń bári saq, kúmánshil. Burynǵydaı balasyn kórshisi turmaq, baýyrlaryna, týystaryna senip tapsyratyndar sırep barady. Ul-qyzyn kózinen tasa qaldyrmaıtyn ata-analar «eshkimmen sóılespe, bóten adamnyń qolynan eshteńe alma" degendi kúnde qaıtalaýdan sharshamaıdy. Sodan bolar, qazir aýlada emin-erkin oınap júrgen balalardy kórmeısiń. Oıyn alańyndaǵy balalardyń nazardan tys qalǵany joq. Ózge sharýanyń bárin ysyryp qoıǵan ata-ana balalardyń syrtynan baqylaýdy mindet sanaıdy.

Al, kúmán men kúdiktiń yqpalynda ósken balanyń psıhologıasy qandaı bolmaq? Muny eskerip jatqan adamdy kórmeısiń.
Árıne, balany ár qadamyn oılanyp jasaýǵa, saq qımyldaýǵa úıretken durys, Biraq, munyń zıany da jetkilikti. Sebebi, balany aınalasynan alys ustaý, syrtqy yqpaldan qorǵaýdyń sońy qoǵamda erteńine senbeıtin, aınalasyndaǵynyń bárin jaý kóretin, jańa bastama jasaýǵa ımenetin qorqaq jandar tobyryn túzýge alyp keledi. Olardyń syrlasatyn, arqa súıeıtin, kómek kútetin dosy bolmaıdy, Ata-anasynan basqa jandarmen sóılespegen soń mundaı balalardyń óz tustas- tary, qoǵamdaǵy jaǵdaı týraly ózindik pikiri de joq. Sondyqtan, tárbıeleýdiń, qorǵaýdyń jóni osy eken dep, óz ortasynan alshaqtatýǵa bolmaıdy. Kerisinshe, tárbıe ata-ana men balanyń ortaq pikirine negizdelýi tıis. Bolashaǵy zor, óz armanyn iske asyra alatyn talapshyl urpaq ósir- gimiz kelse, olardy ár nárseden shektep, ortamen baılanysyn tejeýge tyryspaý kerek. Balany koldaý, ıdeıasyn júzege asyrýda tilekshi ǵana emes, kómekshi de bola bilgen jón.

Iskakova Adelına Alenovna QazHQjáneÁTÝ stýdenti

---