InfoHub Logo

Baqaltaq qyran — bizdegi qyrannyń ishindegi eń maıdasy (qanatynyń qulashy 135 sm, salmaǵy 600-900 g). Onyń boıaýy aqshyldan qara túske deıin ózgerip otyrady. Ońtústik jáne ońtústik-shyǵys Qazaqstan taýlarynyń ormandy bólikterinde tirshilik etedi, jekelegen uıalary Qarqaralydan belgili (Qaraǵandy oblysy). Uıalaryn aǵashtarda, óte sırek quz shoǵyrlarynan kezdestirýge bolady. Bul qyrandardyń uıalaý kezeńiniń basynda uıasyna jaqyn jerde kermet qus oınaǵyn salady. Sonymen qatar osy kezde bular — aıǵaılaǵysh, daýysy — ádettegi qyran shańqyldaýy. Uıasyndaǵy eki, sırek bir jumyrtqasyn analyǵy basyp shyǵarady. Atalyǵy osy kezde uıasyn qorǵap, qorek tasıdy. Balapandary uıasyn eki aıdan keıin tastaıdy. Qustarmen qorektenedi.

Baqaltaq qyran — jyl qusy. Uıalaý orynan sáýirden qyrkúıekke deıin kezdestirýge bolady. Sońǵy onjyldyqta sany azaıyp ketti, qazir Qazaqstan Qyzyl kitaby qorǵaýynda.

---