InfoHub Logo

(E. Gorýnnyń qurastyrýshyǵa joldaǵan hattarynan)

Osydan 42 jyldaı buryn, «Komsomolskaıa pravda» gazetinen kózime birden ilingen Baýbek Bulqyshevtyń «Ómir men ólim týraly» degen maqalasyn oqyp, kóńilim tolǵany sondaı, avtorǵa dereý hat jazǵan edim. Arada aı jarymdaı ýaqyt ótken soń Baýbekten jaýap hat keldi. Kóship-qonyp júrgende joǵaltyp alǵan sol hatty jáne bar yntammen oqyǵan alǵashqy maqalasyn eske alsam, maıdandaǵy jas kazak jigitiniń sol aýyr kezeńderdegi ómir joly men tvorchestvosy búgingi kúnge deıin barshamyzǵa úlgi bolyp qalǵanyn maqtanyshpen aıta alamyn. Ol shynynda" da, tan qalarlyq joǵary ıdeıaly azamat bolǵanyn jeke ózime jazǵan tórt hatynan jete sezgen edim.

Siz maǵan jibergen «Qymbatty ýkraın qyzy» degen buryn jarıalanbaı, belgisiz bolyp kelgen maqalasynyń mazmuny maǵan jibergen hattarynda aıtylǵan bir katar jáıtterdi esime túsirdi. Ýkraına jerine, halqyna degen sheksiz súıispenshiligin bildirgen, qandybalaq fashıserdiń ásirese Ýkraına qyzdaryna jasaǵan zulymdyqtaryn baıandaǵan, ózi bastaǵan qarýlas dostarynyń, Ýkraın jerin jaýyzdardan qalaısha bosatyp jatqany týraly jazǵan joldaryn esime túsirdi de, ári-beriden soń Baýbektiń bul shyǵarmasy «Saǵan arnap maqala jazdym» degeni osy emes pe eken? dep te tereń oılanyp qaldym. Iá, Baýbektiń Sosıalısik Otanyna, Sovet halqyna jan-tánimen berilgen naǵyz úlken realıs jazýshy bolatyny kúmánsiz edi. Átteń, jeńis kúnine jete almaı ketti. Onyń maıdanda qaza bolǵany týraly soǵys bitisimen ile-shala «Molodaıa gvardıa» baspasy shyǵarǵan «Jızn soldata» atty jınaqta jarıalanǵan Baýbektiń eki maqalasyna berilgen shaǵyn alǵy sózden bilip qatty qaıǵyrǵan edim. Endi onyń beınesi derekti fılmde kórsetilip, tvorchestvolyq murasynyń tolyq jınaǵy baspaǵa daıyndalyp jatqanyn esitip, bilgennen keıin sheksiz qýanyshqa bólenip otyrmyn.

(Orys tilinen aýdarǵan qurastyrýshy.)

Redaktor joldas!

«Komsomolskaıa pravdanyń» turaqty oqyrmany bolǵandyqtan men onyń 1942 jylǵy birinshi maıdaǵy sanynda jarıalanǵan maıdanger jas qazaq Baýbek Bulqyshevtyń «Ómir men ólim týraly» jazbalaryn oqyp shyqtym. Ózim jeke hat jazyp, oǵan kazirgi kezde bizder sıaqty jastardyń qaısysyn bolsa da tolǵandyrǵan maqalasy úshin, oıyn naqty, shynaıy, júrekke jyly, qarapaıym sózdermen ashyq aıtqany úshin alǵysymdy bildiremin.

Biraq ókinishke oraı, onyń Batys maıdanda ekeninen basqa eshteńesi belgisiz. Týrasyn aıtqanda, oǵan meniń jalyndy komsomoldyq sálemimdi joldaýdy ótinemin. Onyń týǵan ólkesinde júrgen on myńdaǵan sovet qyzdary sıaqty, bizge asyl oı-pikiri men maqsatyn búkpeı bildirgen Qyzyl Armıanyń Baýbek Bulqyshev sıaqty dańqty jaýyngerleri bar ekenin maktan tutamyn.

Men kóptegen jaýyngerlermen hat alysyp turamyn. Olar maǵan naǵyz birge týǵan aǵa -inilerimdeı jaqyn. Bizdiń bostandyǵymyzdy, táýelsizdigimizdi qorǵaýshy osy jastardyń úılerine aman-esen oralýyna tilektespin!

Baýbek ázi ne bary 20 jasta bolǵanmen, soǵys ony eresek adam etkendigin jazady. Men de 19 jastamyn. Meniń de ol sıaqty oryndaıtyn keptegen maqsattarym bar. Qanysher jaý bastaǵan soǵys bizderge úlken apat ákeldi. Gıtlerdiń áleginen qansha balalar jetim qaldy!

Joq, muny olarǵa esh ýaqytta, eshkim de keshirmeıdi!

Baýbekke jáne onyń joldastaryna — olar bizdiń qyzdardyń ar-ujdanyna qıanat jasaǵany úshin, bizdiń analarymyzǵa, qarttar men balalarǵa shekkizgen azaptary úshin jaýdy aıaýsyz soqqylasyn degen izgi talap-tilegimdi habarlańyz.

Jeńiske degen bizdiń ynta-jigerimiz myzǵymaıdy.

Múmkin, biz Baýbek Bulqyshevtiń ózimen kezdesermiz. Sonda men onyń qolyn qysyp, oǵan barlyǵy úshin alǵysymdy aıtamyn.

Kezdeskenshe qosh bolyńyzdar, qymbatty redaksıa! Meniń ótinishimdi oryndaıdy dep senemin.

Komsomoldyq sálemmen, Lúba Davydova.

Meniń adresim:

Tashkent qalasy, Oktábr aýdany,

Lazbek kóshesi, Mýafanıa proezdy,

№ 60-shi úı, 19-shy páter.

Davydova Lúbov Aleksandrovnaǵa.

Eger múmkin bolsa maǵan Baýbektiń adresin habarlańyz, men oǵan shyn kóńilimmen hat jazamyn.

Lúba

---