Baıǵozy batyr
Hantaýyndaǵy bekingen Úsen-Seren degen qalmaq qontaıshysynyń shapqynshylary Arqadaǵy qazaq aýyldarynyń adamdaryn baılap, maldaryn aıdap áketip, maza bermeıdi. Sonsoń Baıǵozy batyr men Kereı Jarylǵap batyr Kókshetaýdaǵy Abylaıǵa baryp, jaǵdaıdy aıtypty.
— Hantaýynda qalmaqtyń kúshti qarýly áskeri jatyr. Oǵan tıisý úlken soǵysqa ulasady. Odan góri shaǵyn qolmen qalmaqtardyń ordasyn qamap alaıyq. Qoldy dushpannyń kózine túsirmeı, soǵan kim bastap barady? — depti Abylaı han.
— Kózge túsirmeı men bastap baramyn, — deıdi Baıǵozy.
Abylaı han úsh júz kisilik qolymen Arqadan attanypty. Áskeri biriniń artynan biri túnde júrip, kúndiz jatady. Jarylǵap batyr — áskerdiń aldynda barlaýshy. Baıǵozy batyr artynda bakylaýshy bolyp, qoldy Hantaýynda beıqam otyrǵan qalmaq ordasynyń ústinen túsiripti. Abylaı han qalmaqtyń qolbasshysy qontaıshynyń úreıin ushyryp, aıdap áketken adamdaryn, maldaryn qaıyryp, qontaıshy aıybyna hanǵa qyzyn beredi. Budan bylaı bir-birine tıispeýge bitim jasap qaıtady.
«Qazaqtyń ordasy Ulytaýǵa qalmaqtar keldi» degen habar Baıǵozyǵa jetedi. 1743 jyly Baıǵozy batyr saýyt kıimderin kıip, qolyna shashaqty naızasyn alyp, jasaqtarymen ulytaýǵa attanyp, qalmaqtardy jeńip qaıtqan. El arasynda Baıǵozy batyr týraly:
Taraqtyda Baıǵozy,
Bu da asqan er edi.
El shetine jaý kelse,
Men baraıyn der edi!
Baıǵozy batyr — qazaq halqynyń tarıhyndaǵy iri tulǵanyń biri.
Oqýǵa keńes beremiz:
You Might Also Like
-
Taraqty-Baıqozy iri ataqty kisi bolǵan adam. Bir jyly jut bolyp, jylqysy yǵyp, Ertistiń muzyna baryp bir-aq toqtapty. Baıqozy jylqymen birge Ertiske túsedi. Jylqysyn toǵaıdan qaıyryp, kún ashylǵan s...
-
«Uly júz úısin Sarkózge baǵynady, Sarkóz qatynǵa baǵynady». Osynaý maqaldyń shyǵýyna myna oqıǵa sebepker bolǵan. Quba qalmaq zamany bir soǵysta uly júzdiń Sarkóz batyry qalmaqtyń qamalyn...
