InfoHub Logo

Taraqty-Baıqozy iri ataqty kisi bolǵan adam. Bir jyly jut bolyp, jylqysy yǵyp, Ertistiń muzyna baryp bir-aq toqtapty. Baıqozy jylqymen birge Ertiske túsedi. Jylqysyn toǵaıdan qaıyryp, kún ashylǵan soń, eline qaraı aıdaıdy. Keshke jaqyn qonýǵa bir básentıinniń úıine sálem berip, kirip kelse, tórdiń aldynda bir aqsaqal otyr, jas shamasy seksennen asqan sıaqty, oń jaqta súıekpen oıýlaǵan aǵash kereýet turady. Sonyń aldynda qolynda dombyrasy bar, úkili kámshat bórik kıgen, ústinde búrmeli etekti aq kóılegi bar bir qyz án salyp, óleń aıtyp otyr eken.

Baıqozy kirip kelgende, qyz ánin toqtatyp, dombyrany júktiń ústine qoıyp, qonaqtarǵa ábden ıilip oryn beredi. Aqsaqal jón surap:

— Jylqyny qaı jerden yqtyrdyńyz? — degende,

— «Jalǵan» degen jerden, — deıdi Baıqozy. Bul sózdi estigen qyz:

— Aýylyń, eliń jalǵanda,
Jalǵyz jaryń qalǵanda,
Jylqymen yǵyp júrgende,
Qoınyna bireý barǵan da, —

deıdi. Baıqozy:

— Bedirekti betpaqtyń
Badyraıtyp aıtqan sózin-aı,
Uıalmaı-aq atasynyń júzinen-aı!
Kim qolmen basady deısiń, shyraǵym-aı,
Qudaı násip bermese,
Kót ıesiniń ózine-aı! —

depti. Ákesi:

— Qaraǵym, jeńdiń, shapan jap! — degen eken.

Oqýǵa keńes beremiz:

Jıdebaı batyr (İ nusqa)

Jıdebaı batyr (İİ nusqa)

Jánibek batyrdyń Abylaıdyń oń tizesinen oryn alýy

---