InfoHub Logo

Birde aýqatty otbasynyń otaǵasy kishkentaı ulyn aýylǵa, malshylardyń ortasyna ala barypty. Adamdardyń turmysynyń qanshalyqty kedeı ekendigin óz kózimen kórsin degen oıy bolǵan. Olar óte kedeı turatyn otbasynda bir kún jáne bir tún bolypty. Úıine oralǵasyn áke balasyna mynadaı suraq qoıypty:

— Qalaı, saǵan saparymyz unady ma?

— Áke, bul bir ǵajap boldy!

— Adamdardyń qanshalyqty kedeı bolatynyn óz kózińmen kórdiń be? — dep surapty ákesi.

— Iá, kórdim.

— Al osyǵan qarap ne uqtyń?

Ulynyń jaýaby:

— Bizdiń úıde bir ıtimiz bolsa, olardyń tórt tóbeti bar eken. Baqtyń ortasynda bizdiń haýyzymyz bolsa, olardyń ol sheti men bul shetine kóz jetpeıtin sheksiz, shetsiz teńiz aılaǵy bar eken. Baqshamyzda sham jaǵamyz, al olar jaryqty juldyzdardan alady. Bizdiń aýlanyń syrtynda patıo bar, al olarda — kerilgen kókjıek.

Ulynyń jaýabyn estigen ákeniń tili baılanyp qalypty. Al uly sózin bylaı jalǵapty:

— Áke, kóp rahmet, sen maǵan bizdiń qanshalyqty kedeı ekendigimizdi kórsettiń.

Bári de myna jaryq dúnıege qandaı qyrynan qaraýyńa baılanysty bolyp otyr ǵoı. Shynaıy súıispenshiligi, dostary, otbasy, densaýlyǵy, jaqsy kóńil kúıi men ómirge qushtarlyǵy bar adamda bári de bolady!

Alaıda joǵaryda kórsetilgenniń eshqaısysyn da aqshaǵa satyp ala almaısyń. Oıyńa kelgen materıaldyq ıgilikterdiń kez kelgenin satyp alýǵa bolady, tipti keleshekke qor jasaý múmkindigi de bar. Biraq kóńiliń toq bolmasa, jan-dúnıeń qańyraǵan bos bolsa, bunyń bári beker, qur áýreshilik, óziń de qýys dóńbeksiń! Senen ne úmit, ne qaıyr?!

---