InfoHub Logo

Kez-kelgen kitaptyń ishki álemine úńile bilý-úlken óner. Kitap-aınymas joldasyńyz, baǵaly qundylyǵyńyz, rýhanı baıı túsýdiń ózgermes sharty. Jan dúnıeńizge jaqyn ádebı týyndyny tańdaý-ǵumyryńyzǵa jańa lep kirgizedi. Kitap oqýdyń da ózindik qaǵıdalarmen tanysyńyz:

1. Qalaýyńyzǵa qaraı álem ádebıetimen nemese tól týyndylarmen sýsyndaý.

İshki túısigińizdi tyńdańyz.Sizge lázzat pen paıda ákelmeıtin kitaptardy oqýdy doǵaryńyz.Adamdar kitappen dostasý arqyly esten ketpes saıahat jasaı alady.Árıne, bul ózińizge unasa ǵana.Degenmen, baıqap kórińiz.

2. Kitap oqýǵa arnaıy ýaqyt bólińiz.

Bul úshin siz josparmen júrýdi ádetke aınaldyrýyńyz kerek.Bir kúndik ýaqytyńyzdy jeke bólikke bólip, 2 saǵatty kitap oqýǵa arnańyz.Ortasha eseppen alǵanda, osy arqyly siz bir aıda 2 nemese 3 kitapty oqyp, taýysa alasyz.

3. Oqyǵan shyǵarmańyzben bólisińiz.

Kitap oqıǵalaryn jadyńyzdan shyǵarmaý úshin jaqyn dosyńyzben ne bolmasa tanysyńyzben osy jóninde áńgimelesińiz.Bul-este saqtaýdyń keremet tásili.

4. Kitap avtorymen dıalog quryńyz.

Týyndyny oqý barysynda siz kelispeıtin tustar bolýy da múmkin.Týyndaǵan saýalyńyzdy ishki álemińiz arqyly avtorǵa qoıa alasyz, tipti suraqtarǵa jaýap ta tabasyz.

5. Óz oıyńyzdy kúndelikke túrtip qoıyńyz.

Ózgelerdiń kózqarasymen shektelmeı, óz pikirińizdi búkpesiz jetkizińiz.Kitap oqýdyń taktıkasy-shahmat oıynyna uqsas.Sóılemderge toqtalyńyz.

6. Tizim jasańyz.

Tizim arqyly kitap oqýdy jalǵastyrý-shabyt syılaıdy.Jeke tizim jasaý arqyly týyndylardyń negizgi ıdeıalarmen tanysasyz.

7. Muqıat oqyńyz.

Ia, muqıat ári baıaý oqyǵanyńyz jón.Siz árbir sóılemnen lázzat alýǵa tıistisiz.

8. Kitapty aqyl-oıyńyzdy damytý kózi dep bilińiz.

Shyǵarmalardy emosıayńyzdy bildirý jáne shabytqa bólený úshin oqyǵanyńyz jón.Komıkstermen tanysyńyz, alaıda jeke týyndylardy oqý-ıntellektińizdi sharyqtatatynyn umytpańyz.

---